الشعر في وقتنا خطين فوق وتحت !!

مع شعوري بالتقصير الذي لا يرتق فتقه عذر
تجاه هذا المنتدى العريق !!
احب ان تشاركوني قراءة احدى مهذوراتي
التي استوطنت ديواني ردحا من الزمن
دمتم بكل الحب والنقاء


[poem=font="Simplified Arabic,5,black,bold,normal" bkcolor="transparent" bkimage="" border="double,4,purple" type=1 line=0 align=center use=ex num="0,black""]
الشعرفي وقتنا خطين فوق وتحت=ومابين هذا وذك يعيش غث وسمين
اللي على الماء كتب واللي بصخرة نحت=واللي حروفه تبين وبعضها ماتبين
واحد الياجف قرطاسه حروفه محت=ويبقى من اللي كتب فيهاكفن للثنين
وشاعرمن إبداع شعره كل وسنى صحت=يرقى بسلم بيوته هامت الفرقدين
لامن ريشة قصيدة بالشجن طوحت=خيل لك إن الوجودأمسى لحزنه حزين
يخلد بشعره ولورمس العظام إنمحت=مثل البحتري وابوتمام وابن الحسين
وإن كان ريشة قصيده في هجاه إنتحت=عقب على اللي هجاه العارطول السنين
وإن كان ريشة قصيدة بالفخرنحنحت=خلى بني أنف ناقة فوق كورالسمين
ولامن ورقاه من سهم القدر نوّحت=خيل لك إن الآودام كلهم ميتين!!
ياماجثث من حبال المشنقة طوطحت=حيت بما خلّده شعّارنا الأولين
وأنا إذا دلة الهاجس علي طفحت=اسوقهافي فناجيل الظفرمن يمين
ماني من اللي هجوسه لارقد صحصحت=وقام يتثاقل وينظمها وكفّه مهين
لاشفت فكرة لرادارالهجوس المحت=ثبتهافي قراراَ وسط راسي مكين
تبقى بالإخصاب لاما عشر منها لقحت=اجهضتهن فوق مهد الطرس في كفتين
كفّة من التبر الأصلي صنف صافي بحت=وكفّة من الماس مايتكررن مرتين(1)
هذي سواتي إذا نارالهجوس أقدحت=وكثيرغيري من الشعارقافه رصين
[/poem]
التبر: الذهب
بحت:بفتحتين....صافي لا خليط له ُ