( عطاالله بن فرحان السيحاني ) !

.




السلام عليكم و رحمة الله وبركاته !






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا سكرة الموت منك العين .. أجازيها=بـ الدمع يومك خذيتي من سكن فيها !
اللي عليه أشفق إليا من نزل دمعي !=من محجر العين .. قبل الموق يبديها
وأسدل عليها الرموش إليا متلت و شكي=منها .. عليها ! قبل لا تجيب صافيها !
يـ / أبوي ! في ذمتي ذمه محد قبلك !=عليه دمعة عيوني بحت خافيها
أظلم نهار الأحد .. يوم أنتزع روحك=اللي قبل ينتزعها منْك .. محييها !
اللي خلقنا من الطين ونفخ فينا !=الروح .. سبحان خالقها و منشييها
يـ ( الواجد ) ( الماجد ) ( الواحد ) و يـ ( الباقي )=يـ ( الباعث ) ( العدل ْ ) مانعها و معطيها !
يـ ( الواسع ) ( الخافض ) ( الرافع ) و يـ ( الباري ) !=يـ ( المحصي ) ( القادر ) ان زادت بلاويها !
يـ ( الحي ّ ) يـ ( المقتدر ) يـ ( الحق ّ ) يـ ( المانع )=يـ ( مالك الملك ) باليها .. و منجيها !
يـ ( الآخر ) ( الظاهر ) ( التواب ) يـ ( الخالق )=يـ ( العفوْ ) يـ ( النور ) مظلمها .. و ضاويها !
بـ / أسماك أناديك .. يـ ( الوالي ) و يـ ( الأوّل ) !=تلطف بروح ٍ .. تلبي ّ اليوم داعيها
موته نزعني من الدنيا .. و خلاني !=أجنّب الناس ، قاصيها .. و دانيها !
و أسبر هموم ٍ تجول بـ [ داخلي ] معها !=زخّات جور ٍ .. قلوب الناس تبكيها !
و آخيل مزن ٍ وراه الحزن متواري=شاع بـ / سماي .. و خذا أوّلها و تاليها
غطيت راسه بـ / بشته .. يوم وادعني !=و أنا أشهق الموت .. و الزفرات ما أوحيها !
يضحك .. ! و سبابة اليمنى و هو يغسل !=متوجهه للسما .. تشهد لـ [ باريها ] !
و قبّلت راسه .. و شع ّ النور من وجهه=شمس ٍ يضوّي سناها .. بـ أمر واليها
و رحنا نصلي ّ عليه .. أفواج ما تحصى=و جنازته .. فوق الألف اللي مشى فيها !
و فـ [ القبر ] و سط اللحد و جهته القبله !=آخر لقى للعيون .. بشوف غاليها
مرحوم يا من بكا من موته شداده !=و مجالس ٍ زبنت من جاك ناصيها !
لأظلم نهار الدخيل و جاك .. طلابه=تشقر عصاه و تزوم بوجه باغيها
هذي على مثلك تهون .. و على غيرك !=صعيبة ٍ من مشى فيها .. يخليها !
مِت .. وليا مات فـ [ الدنيا ] حد ٍ مثلك=فعايله .. مات شعري قبل يرثيها !!!
[/poem]


،