صابني ماصاب قيس ومرشد البذالي مساجله

سلام
اخواني الاعزء مساجلة متواضعه بيني وبين حرباش البدراني

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصغير لاتهمشني كذا بالمره=والله انك في عيوني ياحبيبي غالي
الجفا بالله طلبتك فكني من شره=ماوراه الا السهر والهم والغربالي
لاتحد اللي على العالم مابيح سره=يشتكي للناس ثم تفرحبه العذالي
مال غيرك من غلا لوكان كبر الذره=والغلاء وهبه من الله وانت راس المالي
كل ماتطري علي السلهمه والغره=قام قلبي يصتلي من فوق جمرن صالي
الهوى ماكنت افكر في حلاه اومره=لين شفته قام يدمر حالتي عزالي
مادريت ان الهوى للعاشقين امظره=لعنبوه اثره عذاب ويذبح الرجالي
الظماير من جفا حلو النبا محتره=صابني ماصاب قيس ومرشد البذالي
انشدو حرباش يومن الهوى قد كره=وش دوا اللي جرعه درب الهوى سلالي
[/poem]

رد حرباش

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصغير السن قلب امتيمك لاتجره=من على شوك الهراس ومن طمان العالي
سلكو درب المعنا كان تبغى اتبره=قبل لايكثر عناه ويعتريه اهبالي
لايجي قلبك قساوي مثل حيد الحره=اعزمو سلطان لونه على الفنجالي
يامدور جرتن تعيي خبير الذره=جرتن ماشافها مري ولامنهالي
يرحم الله والدينك لاتعيد الكره=لاتذكرني زماني يوم انا خيالي
قلبي اللي كل طيفن من شمال ايفره=فرت المعصير لاعنكب وجاء متوالي
سبة اللي وجنتيه امن الخجل محمره=مايغطيه الحجاب اولاسواد الشالي
الصواب اللي لحقني من شضايا الجره=قبلي العشاق صوبهم مانيب الحالي
ياوجودي وجد من شاف الضحاح اوغره=في لهيب القيض حاديه الضماء والاالي
[/poem]