كم ضيقةٍ تاخذ بك شوي وتروح!

.




.


[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الضيقه اللي بالحشا جالها فوح = وانا لفرقاها شفوقٍ لحوحي
اليا اقبلت واستقبلت صدر مفتوح= لآجت ولجت ما خفى من جروحي
اصبر واخفيها ولو تطلع الروح = ما بحت لو اني على حد بوحي
اسجع بصوتٍ تالي الليل مبحوح=ولا سنّدت روحي على غير روحي
كم ضيقةٍ تاخذ بك شوي وتروح= بس البلا من ضيقةٍ ما تروحي
تجبر قوي السد دايم على البوح = لو كان ما يلقى خويٍ نصوحي
اللي يسمونه من الناس طحطوح= اللي ما يسمع في رفيقه ويوحي
اجي وادور له مع الناس واروح = ما شافته عيني على بعد شوحي
وانا لو ابحث عن سواليف ومزوح = وقت الرخى كلٍ بشوش و مزوحي
لكن ليا من صار في الدرب ساموح =ما لمت صدرٍ فيض غيضه يفوحي
حتى ولو غنت حمامه على الدوح = ما هيضت صدري ولازاد نوحي
ما كل برقٍ في سماء نجد له ضوح = بتخايله عيني لو انه يلوحي

[/poem]