لقيتك تعقل الجرح , وتثور الضيقه !!

.
.
.
.


لـــــكــــم / بعد غياب لعل أن تكون شافع لي :


[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على البال , ياللي كل ماادرجت فيك البال = لقيتك تعقل الجرح وتثوّر الضيقه
عطاشى عروقي منك , ياساقي الغربال = لها الحزن مرتع , والضمأ قل توفيقه
لو أنساك ماخليت للشارده .. مدخال = لو أقدر اعيش الحلم .. ماأيست تحقيقه
تمرك سنين العمر شرهة عشيرٍ .. عال = عليه الزمان وحدّرت به طواريقه
غيابك بشارة دمع وعيوني ... المدهال = رحيلك محل .. لو قلت أبطيق ماأطيقه
لو أمليك للآمال ... وش تكتب الآمال ؟ = للأحلام من نبضي .. والآمال تلفيقه
أحبك على أحسن حال , وأشرف على أسوأ حال = طروشي لها عن يمة الوصل .. تشريقه
مداهيل نوق العاطفه .. في رجاء الهمال = نشف ريقها من هاجسٍ مانشف ريقه
لها كم ؟ وضعون المشاعر من الترحال = لحاها طويل الياس والصبر تعليقه !
صحى غارق جروحي على جرة الموال = نهارٍ يكذب فيه قلبي مواثيقه
صحيت ولقيت البال مورق جفا .. يابال = من اللي عقل جرح الغياب وثنى الضيقه ؟
لقيتك سبب .. لكن مهما محبك قال = تبات بسماء عينه وترعى معاليقه ..! [/poem]