(((عـــطر الـــعرف)))

احبتي في هذ الصرح
السلام عليكم ورحمة الله وبركاته
اليكم هذي المقطوعه...

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياللي تعمر المباني .. لاتسد الطريق=قيم علومي ترى دعواك قيمتها

ادعوك من نومة الغفله لعلك تفيق=وقول نفسك مع الايمام يممتها

وان كان دنيا العنا شانت وشبت حريق=ماقط نفسي ببحر الوهم وهمتها

اشيلها من جبل شمرخ لقمة طويق=افكار شتتها وافكار ليمتها

لعلي اتمم الموضوع ونقذ غريق=من غبة" تهرج العقال من صمتها

تليق والا على وضح النقا ماتليق=ابيات شعري بوسم الشعر وسمتها

لواني اكبر هلالي كن مالي فريق!=والنصر احبه ونفس الخير مالمتها؟

على طريقي رجمت ابليس بالمنجنيق=وصممتلي فكرتن ماقط صممتها

وزنيت الما ليا زادت يخرب الدقيق=وشخاص ماتنتعلم لو علمتها

اصبر على قرصة النحله وذوق الرحيق=هذي علومي بعطر العرف تممتها

احرص على خوة النشمي وقلبي شفيق=وفكار راسي عن القصار شيمتها

الغلطه اللي بلا مقصد من اغلى رفيق=لو انها كبر كشب وحضن دمدمتها

[/poem]

وسلمتو