رسالة (حب) عاجلة

السلام عليكمورحمة الله وبركاتة
قصيدة متواضعة اتمنى
أن تنال الاعجاب

[poem=font="Arial,5,black,normal,normal" bkcolor="skyblue" bkimage="backgrounds/6.gif" border="outset,1,darkblue" type=1 line=0 align=center use=ex num="0,black""]
[poem=font="Arabic Transparent,6,black,bold,normal" bkcolor="skyblue" bkimage="backgrounds/6.gif" border="solid,2,gray" type=1 line=0 align=center use=ex num="0,black""]
راكب الي ماخذينة من قراش الداخلية=ماشراه الي رصيد البنك ماغطاء حسابه
مانعن نايف هوامير البلد تشري حلية=مايسوقة غير شغمومن تخلى عن ثيابه
حركة من نقطة التفتيش في وقت العشية= وعرضة جنح الظلام القرم وستوفا زهابه
ساعتين مع الزفلت وساعتن مع جرهدية=بلغو عنه المراكز وستعدت للرقابه
يحمل المكتوب سواقة وفي صدرة وصية=مايوقف دون بيت حميد لين أيدق بابه
الرفيق الي على العليا مجاديفه قوية=والعلوم المرجلة والطيب مانوخ أركابه
ولا وصلة العلم فاذمة من الذمة برية=لايلحقني مشارية الخطاء والا عتابه
كان عندة حل للموضوع لا يترك خوية=كل يوم اتزيدة الفرقا من الدنيا كآبه
مل صبر القلب والايام ماعادة مدية=صبر عشر سنين خلا المرشدي يفقد صوابه
والغلا ماهوب من كيفي ومفروض علية=لين حسيت بظماء حرة وصرت أطرد سرابه
لجل عين الي لها فالقلب عرش وقيصرية= مير فرقنا الزمان وكل استوفا عذابه
درة فالبحر محفوظةعن الشمس محمية=ما لمسها غير من حضة جلبها في شبابه
والا انا باق لجمر الشوق في صدري بقية=مايغيرة الزمان ولا تطفية السحابه[/poem][/poem]