الدهــــــــــــــــــــــــــاس

للتواصل مع ذائقتكم



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


يا لبى ذا الطريق اللي يوديني على الدهاس= طريقٍ لا مشيته كن ماني فالسعوديه
اسج الرجل وأحمل شوق من عبق اللقا وأنفاس=وأجيه وكل خطوات التعب والجهد مبريه
لعين اللي سكن بعيونهااا باقي سهر ونعاس= على خط الحويه ما أحسب الروحات والجيه
أحس اني ملكت حساس لوماني رهيف حساس= وأحس بقلبي اللي وسط صدري ماهو بليه
وأحس انك مدينه ما وطاها قبلي العساس=وأحسك وين ما لقيت وجهي قدم عينيه
عشقتك مثل ما يعشق حريم الماااي بارد كاس=وهمت بشي سموه الغرام شويه شويه
وسويت لك من نبض المشاعر مثل عقد الماس =وقلدته على صدر الدفاتر لمس حنيه
واذا قالوا لي أخطا قلت من زود الشقا لاباس= خطاه اقدا عليه من فعايل صافي النيه
ضلوعي لك غصون من العراد وفي يديك الفاس=مادام الجمر جمري لا يهون الجرح والكيه
ذكرتك يوم هب عصير من شرق الهدا نسناس=وقلت الله لو انه معي ويديه بيديه
على باقي رجا لو إني امشي في حدود الياس= وانا والله مالي حيل في ذيه ولا ذيه
خذت مني سنيني ماعطتني غير شيب الراس= وضحكات الزمان الأجودي ووعود وهميه
وغرتني حياه وبهرجات وغرروبي ناس= وصرت أركض ورى واقع صعب وأحلام ورديه
دخيلك يا دخيلك ماني اللي ينحنيله راس= ولا عمري لبست من الندم غتره وطاقيه
فمانه حط في بالك ليا عافوك ناس وناس = انا أحسن واحٍد يعرف غلاتك فاالسعوديه
[/poem]
[/poem]