محاقه الارزاق

اخواني قصيده قد تكون خاصه ولكن ...

لاجل عين تكرم مدائن

شاركوني قرائتها

[poet font="Simplified Arabic,4,black,bold,normal" bkcolor="transparent" bkimage="" border="solid,4,gray" type=2 line=200% align=center use=ex length=0 char="" num="0,black" filter=""]
متى تعوذ من بلاويك وتوب=متى تغير شله الفسق شله

غير قماشك قدم يلحق على الهوب=وتصير خسران(ن)وعلتك عله

ترى الردي مكروه ماهوب محبوب=يمشي مع العربان من غير مله

وان كانه اصبح من عنى الوقت مكروب=ماحد(ن)سعى في حاجته حشمتله

والمعصيه لازم يجي عقبها حوب=لو طولت في غيها مسفهله

ومايستوي رجم(ن)من الرزق وذنوب=محاقه الارزاق لازم تهله

ياصاحبي منته على الشين مغصوب=اقولها لله ولله ولله

خلك على فعل الجميلات لهلوب=لهلوب تغليه الرجال وتجله

ولااصبحت في يوم(ن)على الامر مغلوب=كل(ن)يصير مساندك غاية(ن)له

وفصل من فعول المواجيب لك ثوب=ثوب(ن)جنوه اهل المواجيب حله

وان زان حظك نوب وان شان في نوب=تحمد الله واشكره واطلب له

واصبر وتدريبه مقدر ومكتوب=واللي صبر لابد ماتنفرج له

والادمي لازم يجي فيه عذروب=لوكان كله طيب لو كان كله

مثل الكريم اللي محبب ومرغوب=عذروبه انه للكرم مدهل(ن)له

ياصاحبي منته على الشين مغصوب=اقولها لله ولله ولله

[/poet]