وقفة تأمل

السلام عليكم ورحمة الله وبركاته

مواهبيه للتواصل ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياذو الجلال اللي مايخفاك خافي = ياعالم بما كان واللي يبى يكون
بأمرك يصيّرن الصعايب خفافي = وتتبدل العسره الى يسر وتهون
من بعد ذكرك ماعليه خلافي =اسوقها فالدرب وابليس ملعون
لاوالله الا زان بدع القوافي = وتتالت الابيات والسد مامون
الفكر لامنه صفى كل صافي =كنه يسير بي على ساير الكون
وقفتلي وقفه وطول وقافي = وقفة تأمل كلها افكار وشطون
اللي مضى لي قد حذفته خلافي = واللي بقى في صدر الايام مدفون
تقبل بنا الدنيا وتقفي ياكافي =كل يوم والثاني لها شكلٍ ولون
نعلق الامال مع كل لافي = والليل ظلما والمنايا لها عيون
وتجري بنا الايام عجله مقافي = ودنيا الفنا من دون في دون في دون
أيام فيها نعيش عيشة عوافي = وأيام فيها احزان وهموم وغبون
لاكن ماهي في حسابك تضافي = الا بفعل الخير والخير مضمون
أولي النهى مما تشوفه تعافي = والباقيه هي غاية اللي تمنون
لجنوبهم عن المضاجع تجافي =ولربهم دايم قيامٍ يصلون
اهل التقى واهل القلوب النظافي = اللي ماشالت حقد واحساد وضغون
فيهم لنا أسوه وقدر وملافي = أئمةٍ بأمر الله الحق يهدون
شوفو سيرهم في بياض الصحافي = ودك تسوي مثل ماهم يسوون
صحوة فكر يصحى بها كل غافي = الصمت فكر وهرجهم در مكنون
اللي بآقوله يوم احط اعترافي =الخير باقي واهل الخير يبقون
والعلم ( علم الدين ) والدين كافي = علمٍ عقول الناس به يستنيرون
[/poem]



وسلمتو,,