هــــــــــــــــم

السلام عليكم ورحمة الله وبركاته

اتمنى ان تحوز على اعجابكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا والله الا شدد الهم حالي=والوقت ركًب فوق راسي إسيوفه

قلبي عليه من اشقر الجمر صالي=كأنه على نيران واره تلوفه

مافيً مكيفيني ومابه مجالي=والنفس من ميل الزمان امعسوفه

لف الرشا من فوق حدب المحالي=وبقعا تلف اسلوكها ومعروفه

يابدر مثل اللي جرالك جرالي=واللي تشوفه يلبناخي نشوفه

انته مابين المقصره والحبالي=في المعتقل وابناء الظرايا تحوفه

شكواك للمعبود منشى الخيالي=امنزل القرآن محكم حروفه

مرسي سفينة نوح فوق الجبالي=لاان استقر اليم واثبت وقوفه

هذاه درب جدودك اول وتالي=كم طرقتن منها السلامه نكوفه

قالوا شربنا من قراحن ازلالي=وقالوا شربنا مرها مع رشوفه

ماتومن الدنيا بكل احتمالي=تضحك لصاحبها ونوبن تعوفه

نوبن طمان ونوب في راس عالي=ونوبن لها جسم الابنادم علوفه

ماضنتي فيها حرام وحلالي اكل المعزب قبل ياكل إضيوفه

لاوهني اللي من الهم سالي=خطو الهبيل اللي كبارن اكتوفه

بطنه كبير وقلبه اكبر وخالي=والوجبه الي ساخنه ماتطوفه

دنياه ماجا في قمرها زوالي=ماهمه الا الخبز ياكل اقنوفه

الله على اللي سايقه مايبالي=خطوه الوانيت امكملاتن وصوفه

ابا ليا منه طرى ماطرالي=لانه جديد وصافياتن ابلوفه

ملفاه ربعي مكرمين السبالي=اللي لهم في ممبر العز طوفه

ألاد روق مدلهة كل جالي=عدوهم مسقاه من دم جوفه

كم شيخ قومن حط فيه الهبالي=واليا حشد جمعن تفرق اصفوفه

لو انهم جونا نهار القتالي=مايدمي السرحان مخلب اكفوفه

الا بعد يومن به الدم سالي=وكم جثتن عقب الحياة امحذوفه

حنا لها لاجا نهار النضالي=ماندرق بمحجبات الكهوفه

وحنا حمينا نجد واهيه اسهالي=واليوم تشبه للفتاه الهنوفه

والله مايقرب بحرها والرمالي=مادام نمشي فوقها ومحفوفه

الحرب دايم نارها باشتعالي=لاتحسبنا داخلتنا التروفه [/poem]