((((ياقلب لاتندم ولاتحزن ترى اللي راح راح))))

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب لاتندم ولاتحزن ترى اللي راح راح=روح ولالك منه لا مكسب ولابه مصلحه
جعله مراح الطاير اللي راح مكسور الجناح= قرب يطيح وقربت صلف الهبايب تطرحه
ارتاح ياقلب له ايام وليالي مااستراح=تفره اهموم الليالي مثل فرالمروحه
مايعرف الراحه مع العالم مساءولا صباح=اهموم تاتي في المساءوالثانيات تصبحه
اشوف بعض الناس عايش في مسره وانشراح= وانا رجل حساس والحساس همه يجرحه
مغفل يقضي حياته من مزاح في مزاح=ويزعل على لي جيت باوصيه ولا بانصحه
يفرد عضلاته وينفخ ويتحزم بالسلاح=ويفتل شنباته ولا بلايبينا نمدحه
نسي الرجال اهل الفعول اللي تشيله يوم طاح=اللي توقف في القسا دونه ودمعه تمسحه
كناحبايب واصدقاء واليوم صرناساح باح=لاشك بابين كلامي للنشامى واشرحه
اناله الكف الكريم وهولي اكفوفه اشحاح=والجيب له فاتح وهوجيبه لغيري يفتحه
كنت احسب انه محزم مليان لي صاح الصياح=وبانت حقيقة الامروالله شق ستره وافضحه
اثره ردي كذاب تلعب به ذعاذيع الرياح=يجفل من اضلاله ولي جاءالصدق جاله وحوحه
وانا لياشفت الردي ذوقته السم الذحاح=لوهوثقيل الوزن عندي مثل وزن المسبحه
انشهدان ماعادفي قربه ولا عرفه صلاح=الا خساره ماوراه ايات ربح نربحه
مااخاوي الا اللي لهم ميقاف واقلوب صحاح=اهل العلوم الغانمه واهل الوجيه المفلحه
[/poem]