سلامات (للتواصل)

السلام عليكم ورحمة الله وبركاته

ابيات ارسلتها للصديق بدر نايف الدوسري الذي يتلقى العلاج في لندن من مرض

الم به الله يشفيه ويشفي مرضى المسلمين اضعها هنا للتواصل


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياراكب اللي دربها بين السحابة والقمر = تقول ترمي بالنجوم اللي تمر بها ورا
اليا اقلعت مثل الصقر وان وقعت مثل القصر= تصميم ناس ٍ في فنون الابتكارات خبرا
بوينق ما تحسب حساب رمال وجبال وبحر = وسواقها لا داس عن نظام ساهر ما درا
اركب ورغم البعد ماانت بحاجة لجمع وقصر = تصلي المغرب بجدة والعشا بانجلترا
وان جيت لندن مرتع ودار الغنادير الشقر = ما سيرت بالرجل فيها كل سمرا وصحرا
اخذ الكتاب وسلمه للشيخ ابن نايف بدر = الصاحب اللي بيني وبينه وثيقات العرى
راع الوفا والمرجلة والجود والذكر العطر = اللي بسوق العز باع مع النشامى واشترى
نسل الدواسركاسبين الطايلة واهل الظفر = صفوة رجال ٍ فالوغا فرّيس والسلم اومرا
ذيدانهم بوسومهم ترعى الزهر بارض الخطر = وايمانهم تخلي سروج الخيل لا رد البرا
قلّه سلام الله عدد ما مالت غصون الشجر = وعداد ما سالت دموع المزن مع خد الثرى
وقلّه سلامتك وعسى ما جاك كفارة واجر = وغير السعادة والهنا والطيب جعلك ما ترى
ويلبّسك ثوب الشفا ويمدك بعزم وصبر = الواحد اللي مالنا غيره ملاذ ولا ذرى
وتعود متعافي لناس ٍ لك بداخلهم قدر = ناس ٍ ربيع قلوبهم قولة ولد نايف برا
دعوة صديق ٍ صادق بخوتك دايم يفتخر = ويلهج لسانه بالدعا لك في ربوع ام القرى

[/poem]