الجمــــــــــــ G_M_Cـــــــــس ....؟

السلام عليكم ورحمة الله وبركاته


أقدم لكم أبيات متواضعه أتمنى أن تحوز على رضاكم .......

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/15.gif" border="inset,5,black" type=2 line=1 align=center use=sp num="0,black""]

راكب أللي كنه من سرعته صاروخ روس = أنطلق صوب الفضا له مسار ٍ وأتجاه

جمس لكن به مزايا على كل الجموس = من حفيزه توّ ظاهر وغالي مشتراه

ما شِري بأقصاد مشراه في نقد الفلوس = منوت اللي لا سرى الليل طوّح في غناه

أفجح ٍ صمّـمه من هو تمكّن فالدروس = لين جابه عقب جهد ٍ على غاية مناه

لا أنعطف كنه يتقوّس على اللفات قوس = وإن عطاه النار تسمع مع الكفخه عواه

وإن نطحته كنّه الزير في حرب البسوس = شاهر ٍ سيفه ونظرت عيونه في عداه

وإن وقف ذيب ٍ يحسك اللواحي والظروس = لا تدانا الليل والذيب ما حصّل عشاه

نصّه اللي فالمعاني على العليا يروس = عاسف القيفان قافه فرق بين زملاه

عمّي اللي يظرب القفر قدّام العسوس = فالجزاله ينحت البيت ويقوّي بناه

لو قصيد الناس تالي يضيّق فالنفوس = باقي ٍ للشعر هيبه ليا جوه إعمداه

حظي اللي كنه سقس ٍ نشب بين الطعوس = سايقه غشيم والتانكي توّه ملاه

يوم صدّر ما مسك خط ويلات السقوس = ضاع مع ويل ٍ نحابه على درب ٍ غواه

في نفودٍ تشوي الطير من حر الشموس = ماقدر يمشي بدربه ولا يرجع وراه

ومل قلب ٍ من عنا البعد يقلا ومحموس = فوق جمر الصد والهجر يا مصعب دواه

وياوجودي وجد من طاح في يوم ٍ عبوس = معتزي في ساعة الظيق من دون إقصراه

يزهمه قصيره العود والغاير يدوس = في حما بيته وبنته تشقق فالعباه

ودز عمره في نحاهم وفي يمناه موس = والعدا بسيوفهم خضّبوها من دماه

ذا وجودي يوم قفّا الغزال العيطموس = أشهدني عقب فرقاه جزت من الحياه

الجميل الغض حبّه تمكّن ومغروس = مثل غرس ٍ بان طلعه وعذب الما سقاه

ووآ هني اللي مع الناس ماعنده حسـوس = ما يشدّه شوفت الترف معسول الشفاه
[/poem]