[ تفاولي قلبي ]

متواضعه جداً
للمشاركه وتجديد العهد .. فقط لاغير



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حي الله .. اعظم شي يطري على البال =يا نشوة احساس الخفوق .. وحنينه
تفاولي قلبٍ .. من الجال ل الجال =روضٍ شذى .. ب خزامه وياسمينه
تجثم على دربه .. طموحات وآمال =يا منتهى حلمه .. ولذة سنينه
قدام يدري .. انتي منين؟ .. ومن آل =كنتي حديث يدور .. بينه وبينه
باسمك .. عطى للشعر تقدير .. واجلال =الله يبارك فيك .. ولا يهينه
يرسم على عيونك من الحرف .. تمثال =وانتي فقط .. تقرينه وتكتبينه
خذا من احلامه .. مشاريه واهوال =وبنى .. من انقاض المدينه مدينه
ان جا على عيون الجماهير .. يختال =وان راح .. خلا العالم تقول: وينه؟
حتى وهو شامخ وقاسي ورجال =يذوب .. لا ضمّة يدينك .. يدينه
وشلون لو عرّج .. على حبة الخال =واركى على خدك .. وغمازتينه
حنّي عليه .. بشوق واحساس ووصال =دامه يبيك بصدق .. وانتي تبينه
يغار .. والعالم .. مشفّح وعذال =وكلٍ يغذّي الشر .. من مقلتينه
خشّي حلاله عن هل القيل والقال =بجاه من روحه ل روحك .. رهينه
واخذي من غسال الفناجيل .. فنجال =واطْفي لهب من يلتفت لك .. ب عينه!
[/poem]