ماتت هقاوينا على بيض الورق ليش الجدال

بسم الله الرحمن الرحيم

السلام عليكم ورحمة الله وبركاته

اسعد الله صباحكم بالخير

بروح ٍتملها دعوات الامل الوافي فيما اقدمه واضعه أمام اعينكم

أقدم لكم هذه المتواضعه علها تجد بعض الرضى والقبول وتلامس قلوبكم الطاهره

وللجميع اصدق التحايا القلبيه

ماتت هقاوينا على بيض الورق ليش الجدال

[poem=font="Traditional Arabic,6,darkblue,bold,italic" bkcolor="transparent" bkimage="" border="none,6,gray" type=1 line=2 align=center use=ex num="0,black""]


مارتحت ساعه والتعب فيني وباقي لايزل = وهموم قلبي فالضلوع العوج رجفّ طبولها

حاولت اجامل والمجامل شره ان طولت طال = والمسأله في عرضها تاخذ مساحة طولها

نبني طموحات ونهد اماااال ونعيش الليال = ماابين كلمة عيب والا مستحي لا اقولها

شفنا العجايب فاختلاف الازمنه شرق وشمال = والناس مانعرف تعاملها وسرّ عقولها

ماتت هقاوينا على بيض الورق ليش الجدال = مافيه سيره فالكتاب ونلتفت لفصولها

من قصة التاريخ ماخذنا قصار ولا طوال = الا اسامي نفختر ونعّد كم فعولها

نسطر الاحلام ونصف الاماني والخيال = انعيشبه دور السعااده لافقدنا زولهــــا

مافيه للواقع دروب نشوفها والا مجاال = والنفس في درب الخطاياا مسرجين خيولها

افعالنا في صرة جنيه الذهب ثم الريال = ماتحتمي بيض الوجيه اليا بدى مفعولها

حنا خلقنا للعباده ماخلقنا لجمع ماال = المال يفنى والعمر ساعه يجي مرسولها

وحنا عرب والسالفه مابين روّح ثم تعال = افطن لها في ساعة الصعبه وخلك حولها

انكبر السيره وتاليها كلامٍ مايقال = لادقت الاجراس ماقمناا بربع حمولـــها

والا الحقيقه عاينو فالقدس ماتبغا سؤال = حالة قضيه مالقينا فالكلام احلولــها


[/poem]