اسناد العطاوي لصالح الناصر

السلام عليكم ورحمة الله وبركاته
أحبتي في هذا الصرح العظيم
إليكم هذه القصيدة اسناد من الشاعر حمدان بن كامل العطاوي لي والمردود على قصيدته
عسى أن يحوز على رضاكم

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

الله اكبر الله الله ياجبال السوده=ماحصل لك ماحصل لاغلى جبل ياحيه
ياجبل واغلى جبل وقفاتك المحموده=ماحمدها غير ذيبك والحنش والحيه
ياجبل راسك بعيد وقاعدك مقعوده=من عبادٍ منك يكفيها طويل الفيه
ماهدفها تحتميه وتلتجي بحيوده=ميتين قلوب لو أن الجوارح حيه
لاتشره ياجبل جودك جحد ماجوده=وان جحد جودك وجوده زانت المرثيه
كم جبالٍ غيرك الله يرحمك مفقوده=مثل فقدي لك وانا اشوفك وفي حميه
والجبال اللي على وضحى النقا ممدوده=قال لي وضحى النقا خليتها مطويه
قلت ياوضحى النقا وين النقا وعهوده=قال يوم تمد ممدوده وهي ملويه
ياعجب وشلون وانا ونت ضمن شهوده=اصبحت كلمه تردد للعرب سوقيه
ويش راي اللي ورد هداج ضمن اوروده=وصدرو ضميا وصدر قربته ممليه
هو يصير ان المحدد مايعرف احدوده=هو يصير ان الحمى ماغير للمحميه
وهو يصير ان اليمن مايعترف بزيوده=وهو يصير البير تحمل الكلمه السريه
كان ماودك تجاوب قلت لك مقصوده=فيه شاعر لانصته اجابته فوريه
صالح الناصر حليف الجود مخلف جوده=مابتلش بالوزن والمعنى مع القافيه
له عوايد ماتعيقه وله عندي عوده=والاجابه عند ابن ناصر لها فنيه
لاوصله العلم بحر الشعر حد اسدوده=وحلها حرف الذهب مابانت المخفيه
دايمٍ يطرب مسامعنا بزين اردوده=له لغه بالشعر تلغي عالم اللغويه

والختام اللي ينوه يوم ورد ذوده=يوم فالديره وخمس ايام بالبريه
[/poem]




المردود
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

الله اكبر يالكلام اللي قريت اعقوده=والله اكبر تدحر الكفار والشوعيه

راية التوحيد رفت والعدد معدوده=قوةٍ بالبر غير الجو والبحريه
ماتخارج سلت السكين والباروده=ولايخارجنا شداد الحرّه العمليه
القصيده ساميه وسيوفنا مجروده=الله اكبر يالعطاوي قنبله ذريه
تلغي افكارٍ عن افكارٍ تقل مفقوده=وتجمع اعقول الدهى والصوره السحريه
حضر التفكير بالموعد وصف اجنوده=دربنا الرسمي يبوج النهضه الفكريه
الدروب امفتحه والثانيه مسدوده=والاوادم كلها طرقيةٍ عبريه
والوكاد اللي يولع نيرته بزنوده=يقطع الفرجه وياخذ مطلق الحريه
ابتدا المردود ابن ناصر يعد بنوده=سايق الاسعاف يزهم سايق الدوريه
نشدت النشاد في روس العرب منشوده=انتهى الفي الظليل وقلت الماويه
والعواقب ياعتيبي جعلها محموده=وش نقول الى ذكرنا البنيه التحتيه
اكثر اقلوب الرجال امن العنا ملهوده=كنهم ماصيفو بالعطله الصيفيه
واخر القصه سوالفنا علامة جوده=يوم كراني يعد النشره الجويه
الربيع اللي من أم قليب اليا ساموده=بشروبه والنهايه شبعت نعيميه
حلل الحجاج والغربي يذعذع نوده=والسوالف كلها مطبوخةٍ مشويه
واجد الامتار من بحره اليا جلعوده=لكن الهامل ترى ماهي كما المرعيه
لوجبل ورقان يذبح ساكنه جلموده=ولعت بقلوب اهلنا جمرت الغاريه
وان بغينا ننحر الحقه مع المفروده=ذبحنا على طريق السنه الشرعيه

[/poem]

وسلمتوا