سلام من حربي حضر حفل عتبان

السلام عليكم ورحمة الله وبركاته


دعاني الاخ والصديق رجل الاعمال محمد بن عبدالعزيز الحبردي على مناسبه وطلب مني مشاركه وسالته عن ضيفه واخبرني انه الشاعر الكبير عبدالله بن نايف بن عون


واخبرني انه ايضا داعي لهذه المناسبه عدد من الشعراء على راسهم الشاعر الكبير بدر

الحويفي

وكات هذه المشاركه





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



وكانت هذه المشاركه


سلام من حربي حضر حفل عتبان = مبدا السلام بداية مبتديبه
سنة نبي خاتم لخير الاديان = وحنا محمد كلنا نقتديبه
عليه صل الله وسلم ليحان = ذكره عدد ما مسلم مهتديبه
وبعد سلام الله على نسل عدنان = سلام يا من يا دعانا نجيبه
وسلام يا جمع دعاهم كحيلان = راع المضيف الي بعال الرقيبه
محمد العبد العزيز ابو راكان = من صلب دسمين الشوارب عتيبه
من الثقال الي ليا ثقلت اوزان = منومس العتبان في كثر طيبه
ما يجلسون مجلسه غير الاعيان = وينصاه من حس بزمانه غليبه
وما يذبح الا عيال ضان وقعدان = من الكرم قسم الاسد من نصيبه
قلته وابقوله وللقول برهان = ماني من الي كل قول يجيبه
اليوم عنده من هل الشعر ضيفان = وعليه لا تنكر ولا هي غريبه
ضيفه من العتبان شاعر وله شان = شاعر كبير ومفرداته عجيبه
اليا تقضقض مع حسينات الاوزان = حقاق سيل من حدر مع شعيبه
ومن اكبر الشعار في وقتنا الان = ابن زويبن وابن نايف صحيبه
اسمع لهم واسمع بعد لبو سلمان = بدر القصيد وتاج راسه واديبه
بيته عن النقاد له عشر بيبان = مع اي باب يا دخلت تغديبه
ولا هان شاعر ما ذكرته ولا هان = شاعر قصيده ما يحوش المعيبه
ما قول ذا زايد وذا فيه نقصان = كل نصيبه با الجزاله يصيبه
الشعر وادي والشواعير هيمان = والنادره لمهجرسينه ذهيبه
وانا بعد با الشعر لي قلب ولسان = واتعب على توظيفته واعتنيبه
منشان با الساني من الناس مندان = مهيبه من شان غيره يهيبه
تم الكلام ولا تخيرة عنوان = الا سلام يدفعه ريح طيبه[/poem]