[[[ تحــلــيــلــكــم مــكشـــات مــيــه بمـيـــه ]]]

[poem=font="Simplified Arabic,6,darkblue,bold,normal" bkcolor="transparent" bkimage="" border="solid,4,darkblue" type=2 line=0 align=center use=ex num="0,black""]
الطيب قسمه من جزيل الــعــطـــــايـــا=وهبه من الخـــلاق رب البريــــه
وطّيــب يقلط حسِين النوايـــا=والاش يبحث عن اعلومن خفيــــــه
يااهل الردا يامدورين الخفايــا=يا مبدلين الطيبه با الرديــــه
يا موهقين ضعيفين البرايــا=يا مسممين اهل العقول الخليـــه
يا محللين السالفه باالزوايــا=تحليلكم مكشات ميه بميــــه
تفكيركم كاشت هجوس و خلايــا=ادناكم الكاشت مكشت خويـــه
الحسحسه والدسدسه للولايـــا=اللي مضا كانت طبوع الوليــه
فزتو بها بطبوعكم و الحلايـــا=متميزين اضنكم بالحضيــــه
تضيق عوج صدوركم بالحنايــا=عوجن على فدغ القلوب امحنيــــه
وبطونكم من نعمة الله ملايــــا=من جود مدات اليدين النديــــه
لولا هل المدات واهل الهدايـــا=يمديكم اردا من مقام الوقيـــه
وشختو مشيخت قرش عقب العنايـــا=اشيوخ قرش ولالكم قابليـــه
ويكرم جناب الطيبين الدهايـــا=اللي لهم با المجتمع مقدريـــه
من نايد العربان والا الدنايـــا=من نجد والا غير نجد العذيـــه
يا ما تعلا ارض البسيطه طنايـــا=والطيب يظهر ما يبيله و صيـــه[/poem]