يالله رحمتك

اخواني

تحيه طيبه

اضع بين ايديكم هذه المتواضعه راجيا ان تنال اعجابكم

[poem=font="Simplified Arabic,5,black,normal,normal" bkcolor="transparent" bkimage="backgrounds/25.gif" border="none,4,gray" type=0 line=0 align=center use=ex num="0,black""]

واطول صبري على الدنيا وسود الليال=دنيا ياتركي عجزت اشوف معروفها
ألد عيني جنوب وحاجتي فالشمال=عيت تهيا وعيت تسمح اظروفها
والله وانا ابوك مافيني صبر واحتمال=أشوف عوج العرب ماكني اشوفها
ماهو ردى يوم اصد عن العلوم الهزال=لولا زحول العرب ماحشمت اضعوفها
ليتك وانا ابوك تفهمني على ايات حال=وتعرف مراسيلي الك وتفهم حروفها
في خاطري علم كنيته سنين طوال=مخفيه عن عاقل العالم وملقوفها
قضيت عمري طرب قدام للبس عقال=واثر الليالي تدس السم في جوفها
في فية اللي مدرسني علوم الرجال=عودن معه مانقص مخباي مصروفها
وعقب نزل من شداده واعلن الارتحال=نفسي عقب مارحل ماتبرد حسوفها
عساه في بارد الجنه وحسن المأل=روحن عسى الله يمن فالحشر خوفها
وكبرت وانا طموحاتي سوات الجبال=واطوفني معظم الاحيان واطوفها
قبل احسبن الليالي ماتبي وسع بال=وان المخاليق فيها تاصل شفوفها
وعقب دريت انها شمس قفاه الزوال=سردن تغر العرب باطراف نفنوفها
قنعت منها ورجواي بعزيز الجلال=ابا السلامه من الدنيا وصادوفها
للساعه اللي ليا حانت مافيها جدال=واحسرتي لاعصف بالروح عاصوفها
يالله رحمتك لاودعت قبر هيال=واصحابي من الغباين تصفق كفوفها
حنا ضيوف على الدنيا نشد الرحال=ولال المعازيب غير تودع ضيوفها

[/poem]