زمام الخزامى

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اليا لبس خشم الخزامى زمامه= فاله ولا اللي يدبل الكبد فاله
عقلي يقوم ان السفر به زعامه =مدري صدق ولا هذا من هباله
احدن يقول انه هبال وغشامه =واحدن يقول ابعد عن اهل النذاله
وان ضيقو صدري ندبت الجهامه= وناديت من كمل زهابي وشاله
امشي بها مع نجد يامه وشامه =واتل السحاب اليا تدلت حباله
البر معطيني طريق السلامه قبل =الجواب اللي صعيبٍ سواله
يا غلام صلح لي خوات النعامه =وان غبت قبلك خل منها سلاله
سودن قفار العيش فيها يدامه =ايضا ولا تجرح شعاير هلاله
اللي بها وقت السفر رفع هامه =بتوع تبعدني عن اهل الهزاله
لن جو عسوس البدو غب الغمامه= جت ونست الراعي بعد ضيق باله
مع نجد لن قام الزهر في سنامه= وتراوسة في مرتعن زان جاله
كيف بها الشايب وطش العمامه =ولا يغبط التاجر بكثرة رياله
عنده وسادة رمثةٍ في عدامه =ربع الحسا ومخططٍ له لحاله
فأغلى مكان في مشاعر تهامه = يختار نجد وجلسة في عباله
في راس عثمورن هواه ابتسامه= مع زين جوه ناعسن في جماله
فيه الزبيدي طالعن من كمامه =اخير من جارن كثيراً جداله
مثل الرفيق اللي جرحني كلامه =شايب ولبسني ثياب الجهاله
يطلق على اللوم مالي ملامه =يلام رجلاٍ ما يسند عياله
ويلام من غش الحلال بحرامه =يبيه زود وضاع به راس ماله
واللي يقول ان البلاسه قرامه =يرضى السلوك عن الحبال الجلاله
واللي يصوم ولا يوقر صيامه =ولا يرتدي لبسه على قدر حاله
فعل الردى في وجه راعيه شامه= تاله يبقى في موارث رجاله
واللي يبيني حدر لحيه قضامه =ماني بجايله بلين وسهاله
يبي ينال من الغرابيل قامه =يتعب وينسى الطاري اللي طراله
مادام جسمي ينقل انه عضامه= اسمي مجاهد من سعى فالبطاله
حتى ايش لو قاموا عليه قيامه =ما يفلحون مخالفين العداله
والصبر سيفي لو جاني غرامه =علاجها نجري وطبخت دلاله
سيفي سواد الليل يجلى ظلامه =مثل الشجاع اللي تنومس فعاله*


[/poem]

هذا والله ولي التوفيق