نايف معلاّ.. مع التحيه ..

مساء الخير جميعاً..

كان هناك قصيده للشاعر الأخ الغالي نايف معلاّ قبل ثلاثة أشهر.. كرسالة محبه موجّهه لي..
و لم يسعفني الوقت حينها لظروف والدي الصحيه من الرد عليها..

و قبل اسبوع تقريباً قالها في أحد الإحتفالات فتذكرت القصيده .. فجاءت هذه المتواضعه..


آمل ان تنال رضاه و استحسانكم ... و يبقى الغلا في الصدور ..

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام الرضا و الود يا بن معلاّ=على مذهب الروقه و ملّة عتابه
صدح به طليق الوجه من يوم هلاّ=و كل ٍ يسدد من حسابه حسابه
سِمَـينا و علّينا سما و انتعلاّ=و شَيب الشنب من طيب ماضي شبابه
انا و انت دون الخلق لا و الله الاّ=انا و انت روح الذات . راس و عصابه
على نيّة الرفقه نحب انتسلاّ=رضا و الزعل مقفول بالقفل بابه
و لوم الرفاقه سجدة ٍ في مصلّى=تزيد الصدور من السعاده رحابه
رجال الوفا, شَهـْد القلوب المُحلاّ=جباه المراجل كان جات المجابه
و كم واحد ٍ مَرّتْه سرعه و جلاّ=ولا برهن الحجه و لا جاب اجابه
و راي ٍ مولّي ولّه اللي تولّى=مدام الثقه بين النبي و الصحابه
ترى من قرا التوراة لا شك ضلاّ=و ضعف القرايه ما تعيب الكتابه
و عذر ٍ يجمّل صاحبه ما يذلاّ=على شان ما يفتح للاشباه شابه
و الاجواد تِعذِر و الدعاوي تْحلاّ=و شرهة رفيقك من ميونة قرابه
يا راس الطويل و يا سميّ المُطِلاّ=شرابك قراح ٍ هلّـته لك سحابه
تقدم و سقها و الكثيره تِقِلاّ=و عين العدو تِكحل بمرود ترابِه
فلا نامت اعيون الجبان المُخـَلاّ=ولا جادت صدور العدا بالخطابه[/poem]