الزلامي & السديري

السلام عليكم ورحمة الله وبركاته


مراسله بين الزلامي و محمد الا حمد السديري ( رحمه الله ) ..



يقول الزلامي :
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا ونتي يا ما بصـدري مـن الضيـق=من حسة لا جـت بداخـل ضميـري
كنيتهـا فـي مغلـقـات الصنـاديـق=لين انكسر منهـا الضليـع القصيـري
قالوا بذلت الصبر مـا فيـه تبريـق=قلت اه من يقدر على الصبـر غيـري
مير انتهى واليا انكفى الميّ ما حيـق=سود الليالـي عرقلـت خـط سيـري
والله لو اشرب ميّ سحـبن غداريـق=مـا ظنتـي يبـرد ظمـاي الغديـري
ولو اشرب الذوب المصفّى على الريق=زاد السعيـر اللـي بكبـدي سعيـري
خط لفانـي حـرّق القلـب تحريـق=امحـق بشـاره جبتهـا يـا بشيـري
انا علـى عهـدٍ واظـنّ العهـد بيـق=اخر زمـان وكـل شـيء يصيـري
راحوا هل النمـات مثـل الزواريـق=يسعـون عدوانـي بفرقـا عشيـري
الله يجـازي مـن سعـى بالتفاريـق=عـن جنـة الفـردوس بالزمهريـري
يا راكب اللي مع خطـاة الطواريـق=ينـوز نـوز الجافـل المستـذيـري
مـن وارده مالـوعـوه السـواويـق=ولا داج للعبـري وشـال الاجيـري
اخـر طـراز مغلـق الفـن تغليـق=اسبق من الاصـوات عبـر الاثيـري
هـافٍ يهيـف بمجرهـد الرقـاريـق=يطوي الفيافي طي سلـك الحريـري
عجل ليـا دنَّـي وعجـل ليـا سيـق=والطيـر مـا يمديـه قدمـه يطيـري
عليـه منـدوب ليـا نشـف الريـق=قـرم ليـا سـال العـرق بالنظيـري
داس الخطر من دون عهـد ومواثيـق=يوم ان ولـد الـلاش فكـره يحيـري
خذلي كتـاب منسـق القيـل تنسيـق=مكتـوم مـا يقـراه غيـر السديـري
محمـد الاحمـد مهـدي الصعافيـق=ليا عدوا اهل الطيب قاضي واميـري
وان حلّـق الدخـان بالجـو تحليـق=اميـر فـي قـود السرايـا خبيـري
وان صار بالجرعات كنّـه وتشريـق=قاضي يحـل العسـر حـلاً يسيـري
وان جـو وبيبـان المنـازل مغاليـق=ريفـاً لهشّـال الخـلا والقصـيـري
سلم عليـه وشلـق الهـرج تشليـق=واشرح له الموضوع حالي خطيـري
يعطيك رايـاً مـا عطـوه المطافيـق=وانا بلشـت ومـن بلـش يستشيـري
تراي بادي لك على الرجـم ومويـق=عطشـان ضميانن لشـوف الصديري [/poem]



ردّ السديري ( رحمه الله ) بهذه القصيده :
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ونيت وناتن تحش المعاليـق=يشيب منها راس طفل صغيـري
ونيتها وانـا بـروس الشواهيـق=في راس مرقاباً طويل عسيـري
وزاد الونين وصفق القلب تصفيق=وصار الونين لجرح قلبي خشيري
ونيت انا لاهل القلوب المحاريق=مثل الزلامي يوم جـاه النذيـري
العلم جابـه لـي ردي التوافيـق=وقلبه من اللوعات غادي كسيري
ادمن بقلبـه لابسـات المخانيـق=المترفـات مشيّـدات الحجيـري
عزاه للـي مـن عيـالن مطاليـق=متمشكلن بين الكمـي والمغيـري
غيمن عداك يدفـق الوبـل تدفيـق=لا تستخيله يا مـرو الشطيـري
خلك ورا مران وانتـه بتشريـق=مظنون عينك يم واد الجريري
حدوه عنـك البايهيـن المدانيـق=لبليس منهم بالنمايـم وزيـري
اهل النمايم مخلفيـن العشاشيـق=دايم على الاصحاب شرّن شريري
والبوق عند ملهفـات السماحيـق=عفراً تهزّ اجسامهـا بالمسيـري
اختر حمول الخيل يوم المساويق=اهل الفعايـل بالنهـار الكبيـري
مروين عطشان الغلب بالمزاريـق=شلفاً تلظـى بالنهـار الضريـري
من فوق قـبٍ كنهـن المشاريـق=عز القصير الخايف المستجيـري
من نسلهم دور ليا صرت عشيـق=اختـر بنـات مذلليـن النحيـري
يوم الطراد تفهـق الجمـع تفهيـق=كم طاح قدم نحورهم من عثيـري
ان ساعفت من عند ربّ المخاليـق=اقطف ثمر مالاق روضاً مطيري
تلقى زهور الورد فوق الزماليـق=عقب المطر يفوح منها العبيـري
اعطيك راياً يطلعك من صعافيـق=من صدّ عـدّه بالمـودّه غريـري
ان مامشى برضاه يتعب ليا سيـق=واحذر يغرّك كل زولاّ غريـري
رشيد قلبـي دايمـاً بـه تخافيـق=بين الضلوع ولا لقالـه مطيـري
يكفخ كفيخ موحشـاً بـه مسابيق=حرن يصرّم محكمات المريـري
على حبيبٍ مبسمه ما بعـد ذيـق=ليا ناموا المخلوق همّـه سميـري
طفلاً وداده فتـق القلـب تفتيـق=ونثرت من زرق الدموع الغزيري
عين العنود ان ذيـروها التفافيـق=شكت وهجّت من فياض الظفيري
أغصون قلبي بالمـودّه مواريـق=ارجي يصادف نزل خلى نشيري
الله جمّـاع القلـوب المشافـيـق=عقب البطا يعقوب فتـح بصيـري
رشيد شوفاتـي لخلّـي تراميـق=ينصاب لو شافه طلال الظفيـري
انا معك بالمال والحال بالضيـق=والسيف عندي مغمدن بالجفيـري
ما قال محسن بالشجاع بن عليق=تلقاه بي عند اشتعال الذخيري
قلته ونومي يا الزلامي تخافيق=يكفيك عن ما بالضمير تعبيري[/poem]


وسلامتكم من كل شر