مطلق الثبيتي " رحمه الله "

[msg]مرحبـــــــــــــاً ألــــــــــــف[/msg]
السلام عليكم ورحمة الله وبركاته

احدى قصائد المرحوم بإذن الله مطلق الثبيتي ،،،


[poem=font="Simplified Arabic,6,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أختار سمحات الدروب النظيفة = أللي غسلها رايح المزن برشاش
يمشونها قوم النفوس الشريفة = أللي ضمايرهم نقية كما الشاش
بيوتهم مثل القصور المنيفة = ما هي لطير البوم غيران وأعشاش
وإحلالهم للضيف دايم مريفة = لو رجلهم يسرح ويضوي على ماش
والرجل منهم ما يخلي رديفة = إن مات غيره مات وإن عاش له عاش
وإن مات منهم رجل عقب خليفة = يطعن نحور القوم ويرد الأدباش
يعرف هدف روحه ويعرف وليفه = ما يعرف الخونه ولا هو بغشاش
وإليا رزقه الله بعذراُ عفيفة = يحطها ما بين نونه والأرماش
ما هو على الخفرات يستل سيفه = ولا طالعوا فيه الرياجيل ينحاش
حلو النبا سمح المحيا لضيفه = ويصير له خادم مسخر وفراُش
وإن مد ما مدة يمينه قصيفة = مدة يمينه تبهر الخبل واللآش
وليا هرج تلقى علومه طريفه = ماهو لهفوات المناعير منقاش
وإن شبت النيران ماهو بليفه = في ساعة الكربة سواري ورشاش
سدة بعيد ولحد يلحق غريفة = ماهو لعرض مكرم العرض نهاش
الشوك في جنبه سواة القطيفه = إن كان مله بيت مامون وفراش
ما يرتكي فوق الخبول الضعيفه = اللي ليا حركتها قدرها طاش
وصحيفته يا طيبها من صحيفة = إلها مع العقال كاتب ونقاش
حاز المراجل والمراجل كليفة = ألا على إللي كل مارامها هاش
وإن شاف له في جانب القوم خيفة = تلقاه للخيفه مهاجم وبطاش
الصدق والمعروف والطيب كيفه = يغبش لها مع طلعة الفجر مغباش
للحمل ما تلقى جنوبه ضعيفة = حوله بروق تبهر العين وإفلاش
يصبر على جرحه ويمسح نزيفه = طبه بشبه خير من طب الأحباش
ولاهو كما سبع سنونه ضعيفه = دايم يلحسها وللعظم عراش
وإن شاف له في غيبة الناس شيفه = ماهو بخبل لأخضر العود قراش
دنياه لن صارت ذلول عسيفه = طوع عليها كل عاصي ونفاش
وإن كان قفت ما عليها حسيفة = ماهو ورا هوج المعاصير قشاش
وإن جاع ما وقع كما طير جيفه = وإن عري ما يلبس سماليل وإخياش
وإن جا نهار كل قرم يعيفه = ما هو ليا ثارت على القوم رماش
الكذب يعروف بين الأجواد زيفه = والصدق مثل السيف صاطي وحشاش
[/poem]

وسلامتكم من كل شر

[unload]فمان الله ولا تقاطع [/unload]