قصيدة حفل الحماميد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام الله على اللي طيبهم بين العرب مشهود= على ربعٍ لهــم بين المـلا قدرا ًو جاهيه
على عتيـبة عـدد ما حركت ريح الشمال النود = وعدد ما نبت من عشب الخزامى عقب وسمية
هل الـتوحيد لاذكرت فعول الخـل و أهل الذود= لهـم طيبٍ حـموه بحد سيف وضـرب جنبية
قبل عبدا لعزيز بنـجد حنا نصرة المضـهود= وعقــب عبـدالعزيز بنـجد حنـا ناراً حيه
على سنـة محـمد مقتدين ولا قبلنا الزود= وحسـب الشرع نفس العبـد مأموره ومنهية
عبيــداً ما ندور غير رحمة ربنا المـعبود = سـجدنا له خضـوع و يا لله انـك تحـسن النية
اليا كثرت هروج الغي والحسـاد والمحسود= رفعنـا رايـة التوحـيد واعـلنا العـبوديـة.
و عسى عـيد الفطر بالممـلكة في كل عام يعود= على الشـعب السعودي والبلد بأمن ورفاهية
بلدنا لا قبس مــلح الفتــيل و ثور البـارود= وقرعت للـحروب طبـول حرب و قامت الهـية
نسوق أروحنا ســوق المطايا و البـرا مردود= على اللي طـامعً شرق الــوطن ولا شمالية
و دون حجازنا نوض البروق أليا عقبة رعود= مثل قـبس القنابل و المـدافع في جنوبيـة
و لانا مــا تغير و العتيبي ما يخون عــهود = يموت و لانقـض كلمة وفــاه و لا أخلف النية
اليا منا وقفنا نوفي الكـيلة بدون حــدود= مواقفنا تـجي من فطــرة الرحمان عفـوية
و نيـابة عن بن حماد أهني أسرة آل ســعود= و بسـم عتيـبة الهيلا ابـارك للسـعودية
سلامات الزعيم الحاكم النادر حليف الجود= عقاب طويق سـلمان العــطاء لأكبرت الهـية
ذرانا لأقسى وجه الزمان و عدنا المارود = اليا و صـلت سيوف الـعدل لارقاب الشقاوية
يشـيل حمول نجد و يرتكي للمعضلات الكود= يدوس الرأي قبـل انه يداس وينجـح الكية
ظهـرك اليا شكى ياسـيدي مايلحق منـقود= اله خمسيـن عاماً يلحق الحسـنه وراء السيئة
سلام الله على اللي طيبهم بين العرب مشهود= على ربعٍ لهـم بين المـلاا قدرا ًو جاهيـة[/poem]


نهيان السدر