ضيقه عساها ماتجي كل ليله .. مساجله

مرحبا اعزائي

ان شالله الجميع دوم بخير


للتواصل ..


ابيات متواضعه وصل معناها للصديق العزيز والشاعر المبدع عبدالله بن مرهب



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الليله بصدري هواجيسي اجـوال=ضيقه عساها ماتجي كـل ليلـه
ضيقه وبشكيها على طيّب الفـال=يمكن يحل الوضع باسهل وسيله
والبحّر ضايقني على لحن يامال=يامال فرقى العين مافيـه حيلـه
مثل المعنّى لارفع صوته وشـال=مايبري العله بصـوت ٍ يشيلـه
وقت ٍ تقلّب فيه الاجواء والاحوال=يوم ٍ براد ويـوم لاهـب مليلـه
دنيا ٍ تصافقبه من الجال للجـال=حتى غدى فكره وضاع الدليلـه
لاقلت عبدالله تنصيـت رجـال=الصاحب الوافي لـمن يشتكيلـه
رجال له موقف ويفعل ليا قـال=من روس قوم وحيها من قبيلـه
لو طالت الرحله مسافات واميال=رفيـق درب وللوفـاء ينعنيلـه [/poem]


وليد الغربي


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الشعر وهبه والمواقيـف تختـال=والله يقدّرنـي لكسـب الجميـلـه
عز الله انـك ياولـد روق خيـال=فوق الاصيله من بنـات الكحيلـه
يامرحبا يامعـربّ العـم والخـال=ياشوق خدرات العيـون الكحيلـه
الماقف الغصاب يبغى له ارجـال=قم واحتزم بي والمسافـه طويلـه
حنا على الخوه صناديـد وابطـال=نثبت ليـا بـار العميـل بعميلـه
خوينـا نفـداه بالحـال والمـال=يلعن ابو يمنـى الخـوي البخيلـه
لو كان انا ماني من رجال الاعمال=لكنـي املـك عزمهـم بالفصيلـه
تامر على روحي بلا شك وجـدال=والصاحب الصادق لسانـه دليلـه
اقدم ولا تشكي من الوقت لامـال=وانـا حزامـك فالامـور الثقيلـه [/poem]


الشاعر عبدالله بن مرهب


وصح لسانك يابو راما .. وافي ولا هنت