الغياب

السلام عليكم ورحمة الله وبركاته
تحيه للجميع
اطرح بين يديكم مصافحتي الاولى امل ان تنال القبول ودمتم

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ليت الزمن ما يغيّـب عنـي احبـاب=وان غيّب احباب عيني لـي يـردون
اغياب بعض البشر ما كنـه اغيـاب=لو غاب عني دهر ما بـاح مكنـون
الغيبه الذابحـه غيبـات الاصحـاب=اللي علّي وعلـى مملـك يمونـون
ما ني بقاوي وجرح القلب ما طـاب=الحال يعلـم بهـا الله دون فـي دون
ان قلت بصبر وبنسى صـرت كـذاب=اشوفهم فـي خيـال وحلـم ياتـون
لا سكروا باب بفتـح لرجـاء بـاب=العـذر مقبـول والغلطـات بتهـون
اصدق واصادق واحب ونيتي كتـاب=بيض النوايـا صحايفهـا ويـدرون
واللي جمعنـا وفرقنـا بـلا اسبـاب=طول المدى ما محى صاحب ومضنون
لاهان قدر الخوي بحضـور وغيـاب=واحباب عيني عساهم لـي يـردون [/poem]