لحظات الوداع

[poem=font="Simplified Arabic,6,black,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black""]
يا اول من افرح به واكحَل به عيوني فالقدوم=وآخر من احبس عبرتي عنده ليا حان الوداع

يااقرب من احتاجه ليا صكت على الصدر الهموم= وابعد واخر شخص لعيوني فراقه مستطاع

يا اعذب من اشرب لهفتي له كل ليل وكل يوم=والذ من تقتاته اعماقي ليا صارت جياع

يا الطف على نفسي وارق لها من انفاس الغيوم=واقسى على روحي فراقه مثل سكرات النزاع

الحب كافر والمشاعر مسلمه والهجر قوم=والعمر تحداه السنين الشهب للدروب الضياع

الوصل لحظاته حديقة عشق تنبت ورد دوم=والهجر ساعاته ليالي هم وايامه سباع

ياكثر ما اعيشك امل فرحه ونا منك امحروم=وياقل لحظات الفرح في قلب هده للتياع

ياكبر حبي لك وياكبر الهقاوي والعزوم=وياصغر مدات الزمان اليا اشتراء القسوه وباع

وانت الله ايبيحك من الزله ولا يلحكَ لوم=لاهي ومستانس ولا للهم في دنياك داع

وقتك موزع بين مزح وبين لهو وبين نوم=ونا وحلو النوم واللهفه وحبك في صراع

ليلي يجيني فيه ضيف الهم ماهوب امعزوم=وصبحي خيالاتي عن اللقياء مدراكها وساع

يا حبي الله يسعدك وقت السعاده مايدوم=خل السعاده للقاء عنوان والدنيا متاع

ون صارت اللقياء نهاية عشق والفرقاء لزوم=ابا اهتني في شوفتك لحظات قدام الوداع

ناصر علي الحارثي ( هداج )

[/poem]