ناس مجنونه

السلام عليكم ورحمة الله وبركاته

تحيه للجميع

اتشرف بالانظمام لهذه الكوكبه الرائعه وهذه اولى مشاركاتي امل ان تنال الاعجاب ودمتم

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
والله ما همنـي خالـي ولا عمـي=لا صرت فوق الكلام اللي يقولونـه
لو الخطايا تحسّب كـان يـا كمـي=تثقل موازينها من نـاس مجنونـه
الكلمه الهافيـه مـا فـورت دمـي=لأنها جت بـدون اثبـات مدفونـه
اللي هرج في قفاي ايخمهـا خمـي=عند الموالين ليّـه شـق ماعونـه
ما يدري ان الركايـب تتجـه يمـي=اقضي الوازم وعسر العلم يا هونـه
ارشاي وانا احمد الله ياصل الجمـي=اورد الحيّـم عـدٍ قاصـرٍ دونــه
وان غاب عني صديقي ما لحقه ذمي=وان حده الوقت الاقشر يبشر ابعونه
واحاسب النفس لا منه نطق فمـي=اخاف من كلمةٍ ما هـي بمضمونـه
زرعٍ زرعته جناه الطيـب ملتمـي=اللي خلافي بعد ما مـوت يجنونـه
ما يقبل الهون كود الهيـن الرمـي=اللي مواليفه اشباهـه ومـن لونـه
والبندق اللي تروغ ايسار وتزمـي=ما تطرح الصيد لو يمشي على هونه
للمسك يا حاملـه عبيـر ويشمـي=لكن كيلاتهـا مـا هـي بموزونـه
الدين حرم علينـا ذبحـة الذمـي=واحنا ذبحنا بعضنا كـذب ومهونـه
يا ما من الزور والبهتـان والنمـي=تسعى بها شرذمه فالديـن ملعونـه
حلفت با الله لـو انـه ولـد عمـي=ان عادها فوق راسه ينكسر شونـه
يا سادة الشعر يا عراف يـا لمـي=ابديت ما خفيت في شعري وملحونه
وضيقت صدر القصيده من غثا همي=من كلمةٍ حست الخاطـر ومكنونـه[/poem]