شفق السريّع والشيخ : عائض القرني

بعدما نشرت صحيفة الساحة الإلكترونية قصيدة "الأسكود" للشاعر الشيخ الدكتور عائض القرني و التي كانت تتحدث عن مساوئ الشاب السعودي و بعض الملاحظات عليه, فقد قام الزميل والشاعر شفق السريّع بمجاراة لهذه القصيدة بذكر بعض المساوئ التي يتصف بها الشاب السعودي الغير مبالي بما عليه من واجبات تجاه مجتمعه و تجاه دينه و وطنه .. يقول :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
لا تدوّر سنع يا شيخ لله=وضع الامّه مطوّق بالفشايل
علة الشعب يا دكتور عله=يسهر الليل و ينام القوايل
كثرنا في عددنا مثل قِلّه=و السمينه قليله فالهزايل
حالة الشعب حاله مستعله=اصبر ايام و تشوف الهوايل
شعب كوره و تسحيبه و فـَلّه=و انعدام الهمم و الهم زايل
و المبادي بها ضعف ٍ و خِلّه=و التطور بلبسه و الاستايل
و الكدش و التميّع شغلة ٍ له=و الغنج و التعلّك في تمايل
و الغزل و التغزل و التولّه=و الفقر و البطاله و الجهايل
و المجاكر على ضيعه و ضِله=و المهايط على قلة فعايل
و السفر و المشاوير المخله=و التجرد من اسباب الفضايل
يطربه صوت دندانه و شَلّه=وْيرعبه صوت دوّاية فتايل
و العقول الهميمه مستعلّه=و العمل ما له ايدين ٍ صمايل
برمجتها الدشوش و شفـّرن له=برمجة عربسات و سات نايل
لين راحت حياته فشلة ٍ له=و استوت له على درب الخمايل
وْعن شموس المراجل في مضلّه=عايش ٍ عيشته عيشة عوايل [/poem]



وكانت قصيدة الشيخ / عائض القرني قد نشرت في صحيفة الساحة الإلكترونية في وقتٍ سابق
ينتقد فيها تكاسل الشباب السعودي وانشغاله بالتوافه من الأمور، مثل صور المجلات الفنية، والحديث من أجهزة النقال، والجلوس إلى الإنترنت بالساعات، والانشغال بتطورات البلاك بيري، واستصدار الفتاوى التي تعالج أموراً مثل الحكم في ارتداء الفانلات وغيرها .. جاء فيها :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
صابرين وحنا في مملّه=مثل صبر الجمل والحمل مايل
نبلع الغيظ وانذوق المذلّه=وانتسلّى بالاجداد الاوائل
ونستر الجرح وانغطي محلّه=والحيل عندنا سبعة بدايل
ونفتخر بالوهم كثره وقلّه=ومجدنا النفط من جامد وسايل
وانتباهى بصوره في مجلّه=والطرب شغلة اولاد الحمايل
واختلفنا على شوف الاهلّه=وش هو الحكم في لبس الفنايل
والحكايا على سهره ودلّه=والسواليف واخبارٍ هوايل
وشجْرة انسابنا في كل فلّه=واشغلونا بتاريخ القبايل
ما صنعنا قلم ولا مسلّه=همنا ابلاك بيري والرسايل
وحنّا في النت سبعين ألف شلّه=بالنميمه وتحطيم الفضايل
وفي دعانا القنوت السيف سلّه =قصدنا الكون يصبح في غوايل
والخواجه عسى بقعا تعلّه=منهمك في المصانع والوسايل
سيّر المركبه والكون فلّه=وطوّق اشعوب يعرب بالقنابل
والفلك عانقه واسهيل حلّه=وفوق سطح القمر حط العمايل
دايم الفكر واطموحه يزلّه =ما معه وقت في هرج العوايل
واحنا بالكبر عبيّنا ترلّه=بالبطر والدجل صغنا مثايل
اشرب الوهم يا حامد وبلّه=اف ستّةْ عَشَر تعديل عايل
انتبه يا غبي والكبر خلّه =الخواجه يعلّمك الدلايل
صح مناهجنا من خير ملّه =بس من غير فهم ودون طايل
الغبي ما تصحيه الادلّه=والمهبّل سلاحه في الجدايل
هدهد الثور وان عاند فتلّه=ما يعْرف الكُتبْ يبغى الخمايل
عودوا للشرع يصلح كل خلّه=واتركوا الهرج واعطونا فعايل [/poem]