!! أسهل طريقـــــه !!

ياخوي والله انت المتواضع

قصيده شامخه بشموخك
لله درك

أقطع الأرسال .. يا مصـدر همومـي
بثّك مشـوش .. ولا يعمـل فريقـه !!
خلنـي دوب أهتنيـت .. وزان نومـي
لا فلوس .. ولا هجوس .. ولا عشيقه
من لذيذ النوم .. مـا تشبـع حلومـي
وأن مسكت الحلـم مـا فكيـت ريقـه
ذي علومي .. كان تنشد عن علومـي
عايش ٍ فأصعب زمن .. بأسهل طريقه !
ماسـك ٍ نفسـي وتحكمنـي سلومـي
وأمتشبّـث .. فالمواثـيـق الوثيـقـه
لاني ( ابقوماني ) .. ولانيب ( قومي )
لـو تعـوّد دولتـي ماهـي شقيـقـه
مستريح امـن المشاكـل وامخدومـي
وأكثر النيـران .. نيـران ٍ صديقـه !!
لو زعلت وقمت أنفّـذ فـي كمومـي ؟
مـاش شـي ٍ يحمـل أولّـع حريقـه
كلّها ضيقه .. وأنـا صـدري كتومـي
والامل مفقـود فـي نـص الخليقـه !
عن عيون النـاس تسترنـي هدومـي
يـا مدقـق .. فالتفاصيـل الدقيـقـه
أثرني قبـل آحسـب ليلـي / ويومـي
ما أعرف وش بر وقتي من سويقـه !
المتـون مثبّتـه .. والـراس يومـي
واقعي مسجون .. وأفكاري طليقـه !!
ويش قومي / ويش قومي / ويش قومي
ما قعـد نجـم ٍ مـا سهرّنـي بريقـه
والنجـوم المرقبـه ماهـي نجـومـي
ليـه أسامرهـا ولا أغفلهـا دقيقـه ؟
الهوا يصفـق .. ولا يخلـف يمومـي
ما يحرّكنـي .. لـو احركتـه رشيقـه
والقضا / لو كان ما يقضـي لزومـي
راضـي ٍ بـه والله إنــه لا يعيـقـه
والرفيق اللي معه تضعـف اعزومـي
لا رفيق ٍ لـي .. وأنـا مانـي رفيقـه
والحجازي .. والتهامـي .. والتنومـي
لو تضيق صدورهم / ماهيـب ضيقـه
ما عليهـم مـن تذمّـاري .. ولومـي
دامهـم مـا يزعلـون امـن الحقيقـه
والحقيقه .. يا احلفاي ويـا خصومـي
كل غفلـه / بعدهـا غفلـه / وفيقـه
مير خلّونـي علـى مبـدى رجومـي
وايـق ٍ روس السراحيـن المويـقـه
الطريق ( ازفلت ) .. والرخصه عمومي
وش تبون بسايق ٍ ماسـك طريقـه ؟!!


صح لسانك

صح لسانك

صح لسانك

تحياتي لك