راعي الحب الاول

السلام عليكم ورحمة الله

من الركن إلى هنا لـ / خاطر من طلبها
عساها تنال بعض إعجابكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لا أقبل نسيم البراد وقفّت الكنّه = كثرت على الخاطر المشفي مشاويره
أصارع الياس وآمالي يردنّه = وإن ضعت من بينهن مدري وش الخيره
يطري علي واحدن لامن ضحك سنّه = أخذت من ضحكته للشوق تصبيره
غروٍ على القاع لاجر القدم كنّه = في ساقته ينبت الروض ونواويره
لبيه لبيه ياللي ما كمل سنّه = تسعة عشر عام يوم اقفى من الديره
ياراعي الحب الاول لله المنّه = ياليت مالي معك قصة ولا سيره
عليك قلبي معاليقه يتلنّه = تل الدلو لا امتلا وأشفوا مصاديره
ضلوع صدري عقب فرقاك لجنّه = لا ارتاح ضلعٍ / يلج ويصطفق غيره
اقفيت مدري غرامك ويش لي منّه = لعل ياجار منت بـ / ناسي الجيره
لا تحسب إني نسيت الحب و تظنه = انا على العهد لو دارت دواويره
وش ذنبي إمن الوفق والحظ يوم انّه = أخطت يدينه يديك وقل تدبيره
ليتك ترفق بمن يرجيك وتحنّه = وإقبل وفا مدته واقبل معاذيره
عود علي جعل من جابوك فـ / الجنّة = مقاطعك ذنب و مواصلك تكفيره[/poem]

وسلامتكم