السيرة الذاتيَة !!

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الحياة امداولة واعمارنا منقادة = لازمٍ تارد حياض السكرة الروحيَة
خاطري ذا الليل طيرٍ همَ وقته صاده = رميَةٍ من بندق الآيام ثارت فيَه
وارتمى الهاجس على طرق الحزن كالعادة = ينثر الدمعات فوق الصورة الشعريَة
الحزن ماخذ عذابي من قديم اعباده = خص فالليل الآخير وساعة الفجريَة
من شرور الجن وآهل الحقد والحسَاده = اتعوذ بالعظيم اللي سما كرسيَه
الكريم اموزَع الآرزاق بين اعباده = سامع الآصوات ما تخفا عليه النيَة
اسئله وطعون قلبي مؤلمة بزيادة = في عيوني للجروح النازفة ماريَة
عيني اليمنى تصافق وقتها واجهاده = وعيني اليسرى تحبس الدمعة الصدقيَة
أه يا وقتٍ تحدَاني وطال عناده = وآه يا حظٍ يشنّ احروبه النفسيَة
صابرٍ والصبر ينفذ لو طويلٍ ماده = لا زمٍ تلقا النتايج بعدها عكسيَة
وا وجودي وجد من يبغى يزور ابلاده = عنه شرق وغربته فالديرة الغربيَة
لكن اظروفه تضده والعدو ومراده = ماله الا يحتزم بالسيف والجنبيَة
في دروب المرجلة سرداده ومرداده = رجلي اللي ما مشيت ابها الدروب السيَة
والَله ان الهرج واضح والبلا فابعاده= بعد ما جابه ضعيفٍ ناقص الاهليَة
مصدره زمرة على درب الخطا معتادة= حدَها الشيطان يمَ اللَفة المنهيَة
وقام يغويها و غنَت فالبلد ميَاده = العجوز اللي لها فالقاهرة شعبيَة
فالمسارح تسرح وتمرح بدون اقلاده = عنقها اجرد قبح الله وجهها الشاميَة
ذي مشاعر خافقي يالعالم الرَصاده = متكل بالله وحامل رايتي بيديَه
غايتي تثبيت بيت المفخرة باوتاده = فوق مرقابٍ عليه اترفرف الحريَة
لي حوال العام راسي ما اهتنا بوساده = ولا عرف موقي لذيذ النوم بالموليَة
يوم ولد اللاش يلقا راحته برقاده = نومه اقرب من زرار الثوب والطاقيَة
صدق قالوا عش رجب تلقا العجب واسياده = من دعاة العولمة والصحوة الفكريَة
عالمٍ قامت تسوم اشعيل دون اشداده = في مزادٍ عملته بالينَ والربيَة
ذا زمان ٍ ثوَر الفتنة وحطَ اجواده = تحت ضرس الإنفتاح // وفوق ناب الحيَة !!
واللَه اني ماتركت الدَار يالنقَادة = لاجل قصة حب ولا رحلَةٍ صيفيَة
قصتي قصة غريبٍ مغترب لامجاده = ما تغرَب غير لاجل اهدافه الشرعيَة
شايلٍ روحه على كفَه عزم وإيراده = ان غبش ولا سرى في الطرقة المعنيَة
والدروب اللي تجيب العار والإبادة = للضعوف امن البشر ماهيب والله ليَه
اصبروا والقادم امن الوقت فيه إفاده = واستعدوا جيَت المبطي تراها جيَة
والشجاعة للولد يجووز ورث اجداده = والحكم مرهون وفق السَيرة الذاتيَة
لو ضربت إلها مثال اللي خسر بغداده = او ذكرنا هتلر اللي دهور النازيَة
والختام الله يصون المجتمع وافراده = من دعاة العولمة والثورة الفكريَة [/poem]

هزاع الشيباني