ما خيّب الهاقي وهقواتي اكبار ..

السلام عليكم ورحمة الله وبركاته


اسعد الله مساكم بكل خير..

قصيدة للتواصل اتمنى ان ترتقي لذائقتكمـ وتنال اعجابكمـ //



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
ياليت يطوا بيني وبينك القار=وتقصر مسافات الدروب ولويه
واجيك لامني تفضيت مشوار=اسلي الخاطر وأسج المطيه
على ونيت(ن) ما إنحلل فيه مسمار=توه جديد(ن) ماشي(ن) حول ميه
اليا اشتغل بلفه فجر واشتعل نار=وليا مشا يعطيك ماشفت زيه
امس الضحا من شركته جاي(ن) اصفار=وسجَل على اسمي كاش عقب ضحويه
على القزاز وفوق كبوته غبار=ومن فوق بديه قرطسان(ن) ضفيه
تضفي على بديه من يمين ويسار=وريحه يفج الروح في داخليه
لا كمَل التمرين باجيك مسيار=اما اجي مجهام ولا عشيه
البعد من فوقه يجي خمسة امتار=لا فكَه الله وحفظه ماعليَه
اضرب علاه البعد من غير مقدار=دامه جديد(ن) وكفراته صريَه
ما خيّب الهاقي وهقواتي كبار=انحَّر التمثال وألحق مديَه
لا دست أبنصه عجَل وجاك محدار=ويسرقك لا سجيت ويزيد غيه
من وارد اليابان جا جده اصدار=وسجَل على اسمي كاش عقب ضحويه[/poem]


وسلامتكمـ جميعآآآ ...