قطر . أبو مشعل . شعبه البار

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

ما جيت ابارك لك على المجد يا دار = بل جيت اهنّي المجد بك ياعظيمة
المجد يطمح لك تحطّينه اسوار = في معصمك ويصير للمجد قيمة
بالحلم والحكمة وبعد التفكّار = قلدتي الطاغي وسام الهزيمة
أضحى ورق ؛ وأنتي على دربه اعصار= هتكتي استارة نواه الوخيمة
تَهَجّوا حروفك عديمين لابصار = وسمعوا نباك أهل الأذان الصميمة
من فكر ( أبو مشعل ) ومن شعبه البار = قطفتي عذوق السما بالعزيمة
حمد ؛ نظم لك عقد من شمس لابهار = ما فيه حبّة ما تسمى يتيمة
رجل نذر لك نهر من دمّه الحار = وبسط لك كفوف العزوم الهميمة
حط الجدي لك جار ؛ وسهيل لك جار = لين الثّريا جات جارهْ حشيمة
والٍ معا شعبه صدق سرّ وَجهار = يمناه بيضا والنوايا سليمة
رجل يعرف شلون معنا التّحضّار = ماهو سواة أهل العقول السّقيمة
ناس عن العليا تدوّر لها اعذار = حتى لونها بالصفات الذميمة
لا قدموا مجدا ولا ولّعوا نار = اللي يرون إن الولاية غنيمة

[/poem]

..

..

2/12/2010

لندن