جـذري وغــصني

بسم الله الرحمن الرحيم
السلام عليكم ورحمة الله وبركاته
.
.

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
جذري سقى غصني عطش واحرمه ماه=ولولا المطر ماعاش غصن وذبحني
ياجذري المزروع وسطي ولا ارواه=ياكثر ساعات العطش حول وهني
الظل ظلي والعصافير تنساه=ماتدري ان اسكونها فوق متني
وحقد الخريف يمرني واوصل اقصاه=وان طاحت الاوراق ماطاح جفني
اكسر شموخ الريح وابذر بها اه=وتنبت قصايد لوعتي وسط حزني
والليل يقبل بي شقا واحسب اخطاه=واعدها للصبح واقول عطني
انا وريث النور مكفول برداه=اليا قسى قلب الليالي جمعني
بيني وبينه عهد مكتوب مبداه=على جبين الوجد مهما غدرني
لاني مصدق كذبةٍ في نواياه=ولاني مكذب ونةٍ لازمتني
مالي سوى حلمٍ اغنيه وانخاه=وزوادةٍ عن فضل غيري كفتني
ما دامه الترحال في جدب معناه=سطوة مدى وشموس نادت بفتني
والله لسافر واطوي الضيم وحداه=على اعترافٍ يشهد انه جحدني
درب الاماني خطوتي ليه اخشاه=بمد كفي يا سحابي وخذني
وامطر على جذرٍ بوسطي ولا ارواه=وان مارضي يكفيك تحميد غصني


[/poem]