( حــالة أرقّ ) ... !

السلام عليكم ورحمة الله وبركاته




اعتذر اخواني عن قلّة تواجدي , وقلّة ردودي , ولكنّها الظروف وانتم كرماء ..









[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

كل ما ضاق صدري إعتنقـت الـورق=كود نفسـي تفضفـض سـد مكنونهـا

من هشيم المحبـه صـاب عينـي أرق=يـوم كـل الأوادم نـامـت عيونـهـا

هيه ! يلي غرامك من حياتـي سـرق=أجمل أيام عمري ويبْسـت غصونهـا

شمس حلم السعاده نورهـا مـا شـرق=فيك حتـى المآسـي مختلـف لونهـا

من جبين الليالي صبْ حزنـي عـرق=طاح وكفـوف همّـي بلّـت ردونهـا

مركب الشوق في بحر التجافي غـرق=منْك وأرض المواصل طاحت حصونها

الغلا ( عود) من جمّر الفراق إحتـرق=لين ريح المشاعـر فاحـت شجونهـا

والجفا ( رمح ) من عقب الموالف زرق=طعنتـه مـا يعيـش الآدمـي دونهـا

سيد البال باب البـوح فيـك إنطـرق=مجدبـات ٍ بصـدري جـرّت لحونهـا

شاعرك ضاع في دربه مـع المفتـرق=مثل ما ضـاع فـي ليـلاه مجنونهـا

الله اللـي جمعنـا والله اللـي فــرق=شمّلنـا والمـوده كـثْـرت طعونـهـا

وكان إسمي على سمع العرب ما مـرق=مرّقتـه الجـزالـه يــوم يقرونـهـا

لاح نوض القصايد دام حرفـي بـرق=بالسمـا والسحايـب هلّـت مزونـهـا[/poem]