يا ليت يا وقت تصفالي..

السلام عليكم ورحمة الله وبركاته

صباح ... مساء.. الخير

احدى قصائدي ,,

واتمنى تلقى منكم القبول والرضا ..//







[poem=font="Simplified Arabic,5,darkred,bold,normal" bkcolor="transparent" bkimage="" border="double,5,firebrick" type=1 line=0 align=center use=ex num="0,black""]
المشكله جات من غالـي=واللـي جنيتـه بلاويهـا
سمّـن وسميتبـه حالـي=يالله علاكـم مساعيـهـا
اصبروصبري ولا زالـي=حال إرمضانـن وناحيهـا
عمري وعمر الصبر طالي=الضاهر المـوت تاليهـا
وشفت الذي بالكم بالـي=من عقبكم رحت انا فيهـا
مبطي وماهوب من تالـي=والنفس تقلب وراعيهـا
اشوف مـدري يهيّالـي=في محجر العين يخفيهـا
وإبليس يكتـب ويقرالـي=واخـوه جنبـه يسويّهـا
المر حطّـه إلـي حالـي=أزمــه ويالله تعدّيـهـا
كان إيتـذرّا بـي لحالـي=ورجلي ورجله خطاويهـا
نمشي مع الدرب طوّالـي=من حيث تسري نسرّيهـا
واليوم يانفـس عزّالـي=نفسه وضاعت هقاويهـا
وإن كان فيهـا يورّالـي=ماهوب صدق الذي فيهـا
فانا ضميري بـرا حالـي=والنفس تزعل وراضيهـا
غالي ولا جات من غالـي=ياكبرهـا ويـن اودّيهـا
صكّت من الجال للجالـي=مشكا الخلايـق لباريهـا
احس فـالأرض زلزالـي=ومانفس حولي وراكيهـا
يوم العرب بعضهم سالـي=يقراونفـسـه يبرّيـهـا
اليـا تعشّـو يعشّـالـي=وإليـا تغـدّو يغدّيـهـا
الشرفـالـه ولا فـالـي=دام الضهـور إمتّقفيهـا
والعيـن يـاوال ولوالـي=بلّـت هدومـي عباريهـا
ياليت ياوقـت تصفالـي=وافتّـك منهـا وبلاويهـا
اطلع عن الناس بلحالـي=وادوّر الـلـي يسلّيـهـا
مالي ومال البشـر مالـي=إذنوبها إلهـا ومعاصيهـا
[/poem]


وسلامتكمــ ...


ـــــــــــــــــــــــــــــــــــــ