صوت وصدى .. بيني وبين القدير| ســداح ..!

طابت اوقاتكم بالخير والسعاده جميعاً

الحقيقه تشرّفت بإسناد قصيده على شاعر علم وشاعر مبدع لا يختلف على إبداعه اثنين

و شرفني و اسعدني كثيراً بالرد عليها مما اعطاني دافع كبير وسعاده لا يعلمها الاّ الله ..!

كانت هذه القصيده بيني وبين المبدع والمتألق في سماء المرقاب | سداح .. حفظه الله ..


انا اقول :

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياما تمنينا وعيّت ولا جات=آقفت بنا الدنيا على غير يمّه
دنيا لها على المخاليق غارات=من عاش فيها مات ما زال همّه
دارت وضاقنّ الفجوج الوسيعات=ولديت في زبن الأمور المهمّه
حامي مواقيف الزمان الصعيبات=وكلّ شي فأكمل وجه دايم يتمّه
سداح ابن عمّي زبون العسيرات=أ|معربٍ ما بين خاله وعمّه
ما والله أ|لغيره تبين الخفيات=حيثه يعزّ الرجل لا فار دمّه
يا صاحبي عانيت من جور الأوقات=زوّد عليّ الوقت همّه وغمّه
شلت الحمول المايلات الثقيلات=وارخت بقلبي كلّ عزمٍ وهمّه
ما عاد لي فالحب شفٍ وغايات=واليوم راع الزين مانيب يمّه !
قطّعت من عقبه جميع العلاقات=وانهيت حبٍ كان قلبي يضمّه
واصبحت من عقبه كثير التنهّات=واليوم عدّي غثرب الوقت جمّه
اروح وارجع للندم عدّ مرات=مدري مدحنا الحظّ والاّ نذمّه !
الراي ويش الراي يا طيّب الذات=مثلك يحلّ المعضلات المهمّه[/poem]


ويقول المبدع: سداح


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سعود بن مشعل لاباس و سلامات=وجهك طليق ونظرتك مدلهمّه
لايت عليك الوقت .. والوقت لوّات=ويعامل العربان من غير ذمّه
شكيت من جور الليال الاخيرات=والاوّله فيها العلوم المطمّه
ماجور ومعافى يا رجل المروات=دام الهوى لازال راسك يشمّه
تزهم عليّه بالبيوت الفريدات=البدع غالي والقصيده مهمّه
مير المدوح اللي تنصّتني أفوات=أخطي بعض ما سقت يميّ وأخمّه
لك واجب الشّكر ولافيه مراوات=ولا ينكر المعروف غير الدرمّه !
الحبّ تال الوقت كله متاهات=مثل البحر واللّي يطمّه يطمّه
ما يعترف بمفتليّن الشّنبات=عانه غدا يا سعود بأخوان شمّه
غمّض عيونك عن غرام البنيّات=لا تندفع مع لابسات الأزمّه
بعيونهن يغوّن وابليس ما مات=ومن ينثرنّه .. ما لقى من يلمّه
واليا عرض لك طيف سيد الخوندات=أخذ النصيحه واكنسه بالمخمّه !
لا تشتقي به لو يناديك بسكات=يمكن يذكّرك الغرام وتلمّه
حبّ ٍ مضى لا تلفت له بعد فات=أنهض بقلبك قبل سمّه يسمّه
وأقرا عليه الفاتحه والتحيّات=والصبح بشرّني ليا زال همّه ![/poem]
وسلامة الجميع