والحصيله لا شداد ولا مسامه ..!

يا هل المرقاب اسعد الله اوقاتكم بالخير والسعاده ..


الجديد والحصري لكم اتمنى ان يرقى الى ذائقة اعضاء و زوار هذا الصرح الشامخ ..!


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جعل حظٍ جابني يمّه وجيته=ما يلحّقني من الدنيا ملامه
ضاعت أحلامي وضاع اللي بنيته=والهموم كثار يالله السلامه
كمّ سهر جفني وكمّ ليلٍ سريته=لين وجه الصبح يكشف عن ظلامه
ليتني يا الحب دربك ما مشيته=لوّ تقلّدني وفاء العشق و وسامه
النهايه منّك ويش اللي جنيته=كود ضيقة خاطر وهمّ وندامه
ابتديت الحزن معك ولا نهيته=كمّ ليلٍ راح ما ذقنا منامه
وان غفيت الصبح والليل اقتفيته=زود طول السهر يزعجك احتلامه
ما هنت لي راحة الليل ومبيته=يوم غيري مهتني يومه وعامه
ما شكى من ضيم ربع اللي شكيته=معتلي من راحته في كل هامه
وإلاّ أنا لو زاد حزني ما بكيته=لوّ يبيّن منه في وجهي علامه !
صاحبي يحزن وحزنه ما رضيته=ليته أ|يصدّ وّلا ينقص من مقامه
ضاريٍ في كل حاجه لا عطيته=آدبل المطلوب وآسدّ اللتزامه
لين بيّن لي وباح اللي كنيته=واتضح قدمي حلاله من حرامه
آثرني من يوم حبيت و لقيته=أحسب اني مالكٍ عرش الزعامه
و آثر شوف العين عكس اللي هقيته=والحصيله لا شداد ولا مسامه !
يا كثر ما قلت يا علّه يا ليته=ينتحي عنّي وأنا أروح بكرامه
آه يا دربٍ نويته واشتهيته=كيف اجوّد في ذراعيني خطامه
وكيف أبيع اللي بكلماتي شريته=ابتلشت وضعت من شرقه لشامه
المصيبه ما درى باللي نويته=والمفارق كيف يعطيه اهتمامه؟
مالي إلاّ الشعر في قافه وبيته=لا قراه يعرف وش معنى كلامه
كان فارقني وصار اللي بغيته=ما له إلاّ كود يزداد احترامه
مثل ما هو مقتنع ب|أني هويته=يقتنع بفراقي وينهي هيامه
قلتها والحب يخرب بيت بيته=حسبي الله فيه لا يوم القيامه ![/poem]


وسلامة الجميع ..