فعل وسبب .. !!!

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري نحملك الملامه والعتاب=وألا دلالي معك حملني عتب
احاول اسعد ناظرك رغم الصعاب=واشب من ناري لك ضلوعي حطب
واكتب على صفحة حياتك لي كتاب=عنوانه " الحب " الحقيقي " والأدب "
ما أبيك قدمي لا ضباب ولاسراب=أليا قربت ابعد واذا ابعدنا قرب
رفعت شانك من على متن السحاب=واسكنتك عيوني غلا جفن وهدب
دام التفاهم زبدته عين الصواب=صمتي ذهب لو هاجسي منجم ذهب
ياما طرقت من الموده كل باب =اخذ وعطا ماهي حلا لعب وطرب
لكن ساهم بالوفاء ( فالأكتتاب)=يمكن تحصل لك ...( نموذج للطلب)
ان كان من زود الغلا عندك حساب=افتح رصيدك كان ودك تكتسب
بنك المشاعر له سؤال وله جواب =حدث بياناتك ومخلوف التعب
برد الجفا يتعبك ياسمح الجناب=وشمس الوداع تزيد في الخاطر لهب
غاب الوصال الحلو من مر الغياب=وامسيت في سود الليالي تقتلب
خنجر رضاي تحد من سيف العذاب=أليا وجب ماجوبها قلنا وجب
كم من رفيق ن صرت له درع وحجاب=وكم من عدو لي وحطيته مطب
جم المحبه شرب صالح للشراب=للي لهم عهد ومواثيق وكتب
واللي يشيل الداب شربه سم داب=ماعاد له عندي من الوقفات طب
تحذير : قف ممنوع منك الاقتراب=احرق حطام العام مانبغى النشب
حث الركاب وشيل عفشك والزهاب=من قائمة نفسي شطبت اسمك شطب
ما طاح من عرض السماء فوق التراب=وماصار ماهو "عنطجه" فعل وسبب !!!![/poem]