بـرد الشتــا

السلام عليكم ورحمة الله وبركاته ....
اقدم لكم هذه المتواضعه بعد غيبه عسى ان ترقى لذائقتكم .

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/17.gif" border="solid,4,gray" type=2 line=0 align=center use=ex num="0,black""]
برد الشتا جمد حبر زرق الاقلام=وجمد معاها في شراييني الدم
في ليلته عايش على كف الاوهام=سريت مع همٍ وعوّدت مع هم
ما كنّي إلا من ترك خلفه أيتام=اكبرهم اللي عشرة سنين ما تم
خاض البحر وشراع مركبّه الاحلام=وده يعوّد بالغنى من ورا اليم
ما يدري ان اليم قطّاع الانسام=كم راح في بطنه من عيال آدم
من فوقهم تجمّع الغيم بكوام=حتى تحول جوّهم ليلٍ أظلم
البرق خيطه يقسمه عشرة اقسام=وصوت الرعد من قوّته يسمع الصم
قامت تهل إمن البرد كل الاحجام=سحايبه مثل القذايف تصرّم
كنها سما بغداد في وقت صدام=متشابهه بالليل والكيف والكم
والريح شالت موجها عشرة اقدام=حتى لها المركب ومن فيه سلم
وتحوّل المركب والاحلام لحطام=على ضفاف الياس والخوف والغم
برضٍ خليّه ما وطاها من اعوام=حيٍ وفيها العيش صعبٍ ومُعدم
من مات مات ومن بقا بالخلا هام=ما طاب له نومٍ ومشرب ومطعم
حالي كما حاله بتصوير رسام=له ريشةٍ واقعه باللوح ترسم
في عينه اليمنى تباريح الايام=وفي عينه اليسرى حزينٍ تكلم
أثر الهوى ياأهل الهوى احيان قصام=يرفعك ثم يهويك من هويّ الاسهم
راحت (3) شهور واقول قدام=يمكن حبيبي بالمواصيل يقّدم
واليوم من عندي أخذ صك الاحكام=ملزوم في حكمه وانا فيه ملزم
سجينهم بالقلب محكوم بعدام=وهذي مكاتيبه لهم تقّطر الدم
طفيت شمعه وارحلت كل الاوهام=وارتحت انا من زفرة الضيق والهم[/poem]


وسلامتكم .