الــحاشي المنحــاش

[ALIGN=CENTER]أهداء الى ذلك المستشعر[/ALIGN]

[poet font="Simplified Arabic,5,white,normal,normal" bkcolor="transparent" bkimage="backgrounds/65.gif" border="none,4,gray" type=2 line=200% align=center use=ex length=0 char="" num="0,black" filter=""]
من هاجسٍ بين الضماير يشوكي = مافاد به طبٍ ولا فاد منقاش

يا هاجسي حضرت قافي وبوكي = وعنيتـني ياشين والراس منداش

يامعتلي رجمٍ سناده ركوكي = حوّل قبل رجمك يجاوبك بقراش

ياللي تحيزم في رفيع السلوكي = ولا تعزوى بالنشاما وتعتاش

ياغاطسٍٍٍ في وسط بحر الملوكي = أهل البحور اللي على الشعر نباش

ولا انت مغطاسك بجال البروكي = يمكن تصادف مابقا قشر وقشاش

أحدٍ ورث دنيا وهز البنوكي = وأحدٍ ورث حاشي من الفقر وانحاش

ياللي لسانك فالمجالس يلوكي = يامنظره فالوجه عند القفا واش

ماحب أنا اللي في حياته شكوكي = وياحبني للي ليا جا اللقا شاش

وختامها من هاجسي فوق بوكي = أذلف يابو وجهين صافي وغشاش
[/poet]


تنبيه:البيت السابع فكرته مقتبسه من بيت للشاعر رميح الخمشي رحمه الله الذي يقول
(ابوه مات ولا ورث غير حاشي = ولجلج على الحاشي من القرد وانحاش)
والاقتباس هو تجديد وتذكير لابيات نسجها خيال من سبقونا في الابداع