.-. رحلة سفر.-.

مع الشكر والتقدير لكل العابرين

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما يسبح المستريح بغبة النادم=لا مر من حولها جنّب ولا جاها
ما يفضح اليوم سر ليومنا القادم=والبارحه يومنا يكشف مغطّاها
روحٍ تروق برحات الباني الهادم=وروحٍ ثبات اليقين غطاه ورداها
زعزعت كل الظنون وخدمت الخادم=لجل الهجوس ومراكبها ومرساها
ما تسطي الشمس بحساس البني ادم=ولا وقّع الفي برد بنفس واغناها
في رصد الاحوال فوق الغيم مترادم=وارض المشاعر ورا, ماها ومرعاها
والفلسفه تجمع الاوزون للعادم=وحروف ما تنكتب والحس يقراها
المشكله صدمت المصدوم والصادم=واللي يبي يكحل العينين واعماها
ونهاية الملدم في ذمّت اللاّدم=وما تحرق الجمره الاّ من توطّاها
ومن العبث يعمل الكمّاد للكادم=اللي يشوف العواصف ويتحداها
والكبر وهّق بليس ولا سجد لادم=والنار با الكبر ولّعها وطفاها
والجو مشحون با العتمه ومتحادم=بعيون من كان يبغاها وخلاّها
يا الله برحلة قدوم بوقتنا القادم=ورحلة سفر للمحيطات وتعدّاها[/poem]