اثر التعب في بعض الاحيان راحه!!!!!

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا تعبـت وقلـت مانـي بمرتـاح=اثر التعب في بعض الاحيان راحـه

مزيج نبض القلب بحـزان وافـراح=وضاقت على نبض الفؤاد المساحـه

كتمّت مدن مابين ظلمـاء ومصبـاح=وضجه وصجه في مساه وصباحـه

انـا هوايـه كــل مابـارقـاً لاح=ثم قام يلمع بـاول المـزن ضاحـه

وصار الطخاف بمقدم المزن طفـاح=مثل النذيـر اللـي تقلـد وشاحـه

ينذر بوبل المـزن قـدام الاصبـاح=قـدام سيلـه يندلـج مـع مساحـه

من حرة الحرة الى عبلـة ارمـاح=قفـاه سيـلاً مـن تنحـاه زاحــه

سيلاً لباب الخيـر مبـداء ومفتـاح=بعده شهر والنبـت عجـة ارياحـه

فيه الزهرفي فيضة الروض فـواح=يبـري ضميـراً زايدتـاً اجراحـه

ثم سقت له وضحاً تلافت لمن صاح=فيهن دجـر للـي يطـول صياحـه

رثم الخشوم اغلا المكاسب والارباح=من يمتلكهـن يفتخـر فـي نجاحـه

وخضّرت الريضان والبال منسـاح=وطيـر الاناسـه ماتكسـر جناحـه

والى صدف لك غايتك ضبي الابراح=يكفيك عن بعض المطامع امزاحـه

هاذي طراة العمر والعمـر منـزاح=واحلا طقوس مقومات السياحـه [/poem]