صقر العروبه

مجرد خاطره لا اكثر ،

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

هلا يالمنبر للي فيه صوت احساسنا ينذاع = تجاه الوقفه اللي من وراها يقلط الموضوع
يقدم للوفاء الغايه ولا يقلط على الاطماع = ودايم مكسب الوافي كثير ومنهجه متبوع
وانا مع مهجتي ترجمة ماكنه ورى الاضلاع = ولي فرحه كفيله ينجح ابها قافي المسموع
لصار ان الوطن شامخ وحبه فالحشاء بتاع = وحكامه عيال اللي كسبها والعلم مرفوع
ملكنا اللي رحل عبدالعزيز مأمن المرتاع = ملكنا اللي بعد رب العباد اله الفضل مرجوع
بعد مـ / انشاف مجده نجم واضح بارق وسطاع = فرق مجده عن الامجاد ابسيف المنهج المشروع
وسيف الحق فارقاب البواطل صارم وقطاع = وهذي مملكتنا عزها الله صيتها مذيوع
بعد كانت مسارح للجهل ماهاد فيها نزاع = ولاحادي اهل هاك الزمن غير الضماء والجوع
ويا طيب الشعور اليا وجد قول الصحيح امتاع = يبا يفرق عن اللي يبعد اعن المقديه ويتوع
واذا قالوا يجي عد الحقايق فالقصيد ابداع = انا اقول القصيد اللي يعد الواهنه ممنوع
سلام الله على صقر العروبه وافي الاطباع = كثر ما قدم لشعبه وللامه غلا مدفوع
سلام الله من احبابه وحبه الحشاء يناع = سلام الله وحبه فالحشاء لو ينكشف مطبوع
ابو متعب ابومتعب ليا جن الوصوف انواع = زبون الكايده راع المواقف سيفنا الباتوع
ذرى الايتام ريف الشعب مسعف شاكي الاوجاع = كريم الجاه مع يمناه ممن روعة المفجوع
ابو اقبالٍ ليا شفناه هم الوقت منا ضاع= وحنا ما نلوم العين ليا شفنا لفرحها دموع[/poem]