قصيده موجهه للشيخ/سعد بن غازي بن عتيق العضياني العتيبي

بيض الله وجه سعد بن غازي كان موقفه مشرف وقام بالواجب وهذا لايستغرب منه لان هذا ديدن هذا الرجل للقربل والبعيد فله الشكر والعرفان بجميله

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


يالله ياعالم تصاريف الاحوال=يامدرج الافلاك يارب جبريل
اجعل لنا بالعز مخرج ومدخال=واجعل لنا من حبل عفوك مواصيل
صكتبي الدنيا من الجال للجال=وقمت اتذكر طيبين الرياجيل
وطرا علي رجل مهوب اي رجال=يذكر وينصا كل مالقحت الحيل
للفتل نقاض وللنقض فتال=مفراض ماص مبهمات المشابيل
سعد ولد غازي له المدح ينكال=لاقسمت بين الزحول المكاييل
ابن عتيق زاكي العم والخال=تثني عليه اهل المقام المشاكيل
من روس ربع للنواميس مدهال=عضيان لاركبوا على قرح الخيل
ياظفرهم لاسرجوا كل مشوال=وتلامعت هدف السيوف المصاقيل
تفزع بعضيان يدوسون الاهوال=رجالهم في ساعة الضيق حلحيل
يابن عتيق جعل تفداك الانذال=يانور صبح ينجلي بعده الليل
ياحروة الهقوات وشهود الافعال=لاضاعت الهقوات باهل الاقاويل
يابن عتيق يامذاخير الابطال=لك نظرتين تفهق عيون الدرابيل
بين العرب بالطيب تضرب بك امثال=تشرب فناجيل وتترك فناجيل
والدوسري قدم بيمناه فنجال=وتستاهله ياراعي البن والهيل
جاهك يابو غازي عسى ايامك طوال=ياراعي الفزعات ريف الهشاشيل
انته كما ضلع له ركون وظلال=مزبان من صكت عليه المحابيل
افزع بجاه يفتح غلوق الاقفال=جاهك يعدل مايل الحال تعديل
على الذكر بالطيب جيتك لي امال=والعذر مايملا اليدين المقاليل
وصلاة ربي عد ماهل همال=على شفيع الخلق يوم الاهاوي
[/poem]