اصعب الاوقات

بسم الله الرحمن الرحيم
اخواني الغالين اهل المرقاب

السلام عليكم ورحمة الله وبركاته

كل عام وانتم طيبين

خاطره للمشاركه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] غنيت طربان لكن جات مرثيه=جت خاطره مثل ما هي قبل ما اكتبها
رتبتها كنت ابا اكتبها غزاليه=ومن هاجسي جات تلقائي مرتبها
وليدة احداثها فاشكال عصريه=والانتماء مرجعيتها ومنسبها
البارحه في زمان اليوم رجعيه=ماضي لكن واقع اليوم يتطلبها
من واقع البارحه واحدثها السيه=اول ليالي معاناتي على اصعبها
من واقع المستحيل وهي حقيقيه=وهي رابع المستحيلات وهي اكذبها
فوق الكوارث والاحداث الطبيعيه=لو هي روايات انا اول من يكذبهـا
اصدق من الواقع الملموس والنيه=واصدق هموم حملها القلب واغربها
في خاطري رايحه جايه بديهيه=بمقومات النصر لا بد احاربها
ما هيب نسج الخيال وهي خياليه=ولا هيب والله سالفة(ن) مركبها
الا حقيقه واعيش احداثها الحيه=دقايق احداثها لا زلت امر ابها
اثقل من الدين على الشهم للعيه=واصدق من اللي يفص العضم مضربها
واشد من حرقة المسلوب حريه=واقوى مراره من المره لشاربها
الها بدايات والها احداث حتميه=غرايب احداث الايام وتقلبها
متفاوته في مفاهيم البشريه=وفيها هل الشان ما سرت مناصبها
ولهيب لحية وقار ووجه جاهيه=الا لقرم(ن) عرف وشلون يلعبها
قرم(ن) بطاريه يا حي النبا حيه=بزمامها فاصعب الاوقات يقضبهاا
لموت لعبة ملوك ولا لها ديَه=لكن يراهن على اللعبه ويكسبها
له غايةٍ ساميه دافع وطنيه=لو جنبت عنه مثله ما تجنبها
وان كان ضعف العرب غايه مريكيه=عليهم الطاوله لا بد نقلبها
دام اكتشفنا جرايمها السياسيه=الروم غلبت وغير الروم نغلبها
واللي تعدى الخطوط الحمر بشويه=مدام لجل العرب ما احد(ن) بحاسبها
ما جات صدفه ولكن جات عفويه=جمله مفيده معرفها ومعربها[/poem]








وسلامتكم