(( شاعر الملك ))

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحة ليلي غريب غير عن كل الليال = متفرد (بالطرس) من وقت الدلوك إلى (الدلوك)
قعدت اركب لي عمل سحر من السحر الحلال = اللي ما يقدر فيه ساحر لو يجيب اقوى فكوك
واوترت في الثلث الأخير وقلت يارب الجلال = تحفظ وطنا من معادينه وجنبنا الصكوك
ويالله ياربي لا تقطع من كريمين السبال = مثلك يابو متعب ومثل اللي على الارض اشبهوك
مناقبك ياسيدي تفتح لشعارك مجال = حيث ان غلاتك عندنا مالُ وخوافقنا بنوك
اقلط على التاريخ سجل مجدك ايمين وشمال = اقلط بحبك واسحق اللي خططوا بالفيس بوك
اقلط وعلمهم فنون الحرب واسلوب القتال = يومك حميت حدودنا من شرذمة قوم (تلوك)
اقلط وبين كيف رواد العرب ترفا الخمال = دون مفاهيم التواضع والكرم عند الملوك
إن كان حاتم في زمانه للكرم مضرب مثال = فانته تعديته وانا اثبتها ولا فيها شكوك
حاتم كريم واجودي في مال ولا في حلال = وانته مع مالك سمحت اللي تردوا واغدروك
حاتم يحب الضيف لكن وصح بيته (والحِلال) = وانته كرم كفك مغطي من شروره لا تبوك
هذا على الوضع المحلي وان نظرنا كل جال = شف الدول من حولنا لا جارت الدنيا نصوك
أسست اساليب الحوار وكان في شبه المحال = من حكمة ورثتها من عند جدانك وابوك
والمدح لا يعني كمالك لن لله الكمال = لكن بحثك للتكامل رافد للي امدحوك
أنا كتبت الحرف واتقنته وثبت المقال = رغم اني اللي كاتبه باقول لك لا فض فوك
فضلك على حرفي كما فضل المطر على الرمال = جردا واذا جاها المطر تنبت رياحين و(كوك )
والورد عند البعض فالفازة يشوفونه جمال = وانا جمال الورد عندي قطفته من بين شوك
تعبيرنا باشعارنا فال ويتلاه العقال = بارواح شعب كل ابوهم لا دعى الداعي نصوك
شعبك يحبك حب ما يقبل نقاش ولا جدال = من قبل مدات الايادي بالخوافق بايعوك
لو تنتفض الارض وتبي التغيير من حال لحال = حنا انتفاضتنا لحبك يرحم اللي خلفوك[/poem]

محمد بن نغموش

معاني الكلمات
(الطرس) : الدفتر
(الدلوك) : من دلوك الشمس , يعني الغروب
(تلوك) : تلف وتدور بالغدر . يقال الرجل يلوك عمامته يعني يلفها ....
(والحِلال) : بكسر الحاء المسكن وما حوله على بعد النظر
(كوك) : شجر طيب تصنع منه السبحة النفيسة وقيل أن فراش النبي مصنوع منه