فارس بن الحميدي أبوسبعه الدويش

بسم الله الرحمن الرحيم

اتمنى ان تنال رضاكم

ابو سبعه



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياالله راس المال والجاه دمعه = ترسل على باب الرجاوي خضوعي

من حسن ظني فيك ماهي برمعه = خابر فرج همي وغمي دموعي

قبل تغيب الشمس في يوم جمعه = يبرد حشاي وترتخيلك سموعي

ارفع يديني والرجا منك فزعه = تروي ضمايه واعتصامي وجوعي

شبيت قلبي بالمعاليق شمعه = حتى قريتك نور داخل ضلوعي

أخاف من جوعٍ يجي عقب شبعه = وأخاف من شبعه تغير طبوعي

وأخاف من كفرٍ يجي عقب بدعه = وأخاف من جرحٍ يجي تحت كوعي

وأخاف من كبرٍ يجي عقب سمعه = وأخاف من كسرٍ يجي عقب روعي

ليت السحاب اللي مطر فوق صمعه = يمطر على قلبي ويسقي زروعي

جفت غصوني والبخت شبه خدعه = يقصر مع الأيام شبري وشوعي

حرقت نص الحلم الأبيض بربعه = والربع الآخر بين جمري وطوعي

ليت الأمل في سوق الأحزان سلعه = لأشريه في حزني وأساوم شموعي

لكن ذيبي راضعٍ ديد ضبعه = ورميت ذيبي لجل خاطر ربوعي

قسمت ورث العشر مابين تسعه = وخليت حقي بالضمير القنوعي

الحكم حكم الله والشرع شرعه = كبر على أسمه قبل لأسجد ركوعي

يالله سخرلي الأمير أبوسبعه = فارس دويش مطير طبي ولوعي

منصاي أخو جوزا ذرا كل ربعه = لكبرت القاله عليها يفوعي

مايطلب الرتبه يبي زود رفعه = الله رفع حظ الكريم البتوعي

ياليت عبدالله يجي مثل طبعه = وأذخر ولد فارس وأحقق طموعي

الحر يعرف بالرياجيل طلعه = تلقاه في سمر المواقف جزوعي

والبرق لو غر الرياجيل لمعه = عليه من وصف الهنوف الفروعي

وأخير من بدع التماثيل دمعه = والله يكثر خير سمح الطبوعي
[/poem]